Advertisement
 
 
 
 
 
 
 
 

Politiki | Mu Rwanda

U Rwanda na Congo-Brazza bigiye kuzajya bigirana inama muri politiki   

  Yanditswe na IYAREMYE YVES
 July 2016

 
 

U Rwanda na Repubulika ya Congo Brazzaville biri kurushaho kugirana umubano mu gihe gito cyane, nyuma y’amezi make u Rwanda rufunguye ambasade muri icyo gihugu, abaminisitiri b’ububanyi n’amahanga bashyize umukono ku masezerano akomeye.

Binyuze muri Minisiteri z’ububanyi n’Amahanga z’Ibihugu byombi bimaze iminsi itatu birebera hamwe uko byatsura umubano n’ubutwererane hagati yabyo bikarushaho kuzamura ubuzima bw’abaturage.

Ku nshuro ya kane, impuguke z’ibihugu byombi zasuzumiye hamwe imwe mu myanzuro yafashwe mu nama yabereye i Brazaville igamije guteza imbere imikoranire y’ibihugu byombi.

Minisitiri w’Ububanyi n’Amahanga w’u Rwanda, Louise Mushikiwabo n’uwa Congo Brazzaville, Jean Claude Gakosso bashyize umukono ku masezerano yo kugishanya inama muri politiki y’ibihugu byombi n’ubufatanye mu buhinzi n’ubworozi.

Nyuma y’ibiganiro bagiriye mu karere ka Rubavu kuri uyu wa Gatanu ku ya 29 Nyakanga 2016, Misitiri Mushikiwabo yagize ati ”Muri iyi myaka itatu ishize habayeho ibikorwa byinshi bigaragaza ko ibihugu birushaho gukorana, mu gihe cy’imyaka itatu Rwanda Air irakora neza. Muri 2015 twafunguyeyo ambasade nabo bamaze amezi atatu bafunguye inama hano iwacu, n’ibindi bikorwa bihamya, ubushake bw’abayobozi baharanira imibanire myiza iteza imbere ibihugu n’abaturage, ububanyi bwiza.”

JPEG - 170.8 kb
Minisitiri w’u Rwanda, Louise Mushikiwabo (Iburyo) na Jean Claude Gakosso wa Congo Brazzaville

Avuga ko inama ihuza u Rwanda na Congo Brazaville igamije gushakira amikoro abaturage, yoroshya imikoranire y’ibihugu byombi.

Ati ” Ibihugu byombi bihuje byinshi, bifite imikoranire imwe igamije guteza imbere ibihugu byacu na Afrika muri rusange, duhuriye ku ntego imwe yo kurushaho gutekereza ahazaza abaturage cyane tubashakira icyabateza imbere, twashizeho komite ikuriye ibihugu byombi izajya ihura kabiri mu mwaka hagamijwe kureba niba ibyo twiyemeje biri gushirwa mu bikorwa.”

Minisitiri w’ububanyi n’amahanga wa Congo Brazaville Jean Claude Gakosso avuga ko bishimira gukomeza kugirana umubano wihariye n’u Rwanda.

Ati ”Turakora inama mu rwego rwo gukomeza guhamya umubano ugamije guteza imbere ibihugu byombi n’abaturage bacu, igihugu cyacu cyishimira imizamukire n’iterambere rigaragarira buri wese nyuma y’ibihe bibi cyanyuzemo,

Duhuriye kuri byinshi kandi n’abaperezida bacu bafite ubushake muri politike ituma ibihugu byacu birushaho gukorana mu iterambere ry’abaturage kandi tuzabigeraho.”

Ibi bihugu byashyizeho komite zizongera guhura nyuma y’amezi atanu bareba ibyagezweho mu byo biyemeje.

Ibihugu byombi byiyemeje korohereza urujya n’uruza rw’abantu n’ibintu byabo hatezwa imbere ingendo zo mu kirere, ubucuruzi,ubukerarugendo, ibidukikije, imiturire, ingufu z’amashyanyarazi, uburobyi, uburinganire hagati y’umugabo n’umugore, n’ibindi.

Indi nama ihuza impuguke iteganyijwe mu mwaka wa 2018 muri Congo Brazaville.

 

Comments

 
 
Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.