Advertisement
 
 
 
 
 
 
 
 

Politiki | Mu Rwanda

U Rwanda n’u Bubiligi byiyemeje gufasha kugarura umutekano mu Biyaga Bigari   

  Yanditswe na MUTUNGIREHE SAMUEL
 9 June

 
 

Minisitiri w’Ububanyi n’Amahanga w’u Rwanda, Mushikiwabo Louise na mugenzi we w’u Bubiligi, Didier Reynders, kuri uyu wa Kane batangaje ko biteguye gukora ibishoboka byose abaturage ba Repubulika Iharanira Demokarasi ya Congo n’u Burundi bakagira umutekano binyuze mu gutanga ubufasha bativanze mu bibazo byabo.

Ibi abavugizi b’ibihugu byombi babitangaje mu kiganiro n’itangazamakuru i Kigali ubwo bagarukaga ku mubano w’ibihugu byombi, nyuma bibanda ku mutekano muke mu karere uri guterwa n’ibibazo bishingiye ku matora ateganyijwe muri Congo kimwe n’ibyakurikiye amatora yo mu Burundi.

Minisitiri Reynders yavuze ko mu byo yaganiriye na mugenzi we birimo icyateza imbere umubano w’igihugu cye n’u Rwanda hamwe n’igishoboka cyose ngo akarere u Rwanda ruherereyemo kagire amahoro arambye.



Yavuze ko ikimuzanye muri aka karere ari ukugira ngo abaturage baho bongere bagire amahoro binyuze mu buryo bw’ibiganiro.

Ati “Twaganiriye ku mutekano muri aka karere, ngiye kugenda ngirane inama n’abayoboye imitwe ya politiki itavuga rumwe na Congo batandukanye, ngirane inama kandi n’ibihugu by’umuryango wa Afurika y’Uburasirazuba ku bibazo byo mu Burundi.”

Minisitiri Mushikiwabo yavuze ko ibibazo by’u Burundi cyangwa Congo bitari mu bireba u Rwanda cyangwa u Bubiligi , ahubwo ko ibyo bihugu ubwabyo bifite iya mbere mu gushakira umuti ibibazo byabo, icyakorwa kikaba ubufasha bushoboka ku kugarura amahoro.

U Bubiligi bwakolonije igihugu cya Congo, u Rwanda n’u Burundi, kugeza ubu buri mu bihugu bitera inkunga ibyo bihugu mu nzego zitandukanye.

Mu Bubiligi kandi ubu hari itsinda ry’abakongomani batavuga rumwe na Leta ya Congo riyobowe na Ethienne Chisekedi ridashaka ko Perezida uriho Joseph Kabange Kabila yongera kwiyamamaza mu matora ateganyijwe kuko Itegeko Nshinga ririho ritamwemerera kurenza manda ebyiri arangije.

Imvururu zishingiye kuri politiki mbere na nyuma y’amatora y’abakuru b’ibihugu mu karere k’ibiyaga bigari ni kimwe biteza umutekano muke mu karere.

Kugeza ubu ibiganiro bihuza impande zihanganye mu Burundi ntibiragera ku mwanzuro ufatika.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.