2017-12-12 14:14:08 clouds 27o High | Kigali Rwanda

Dukurikire:
 
 

U Rwanda na Djibouti byasinye amasezano 5 y’ubufatanye

Yanditswe na IMVAHO NSHYA

Kuya 2017-04-18 12:52:53

 
Share on:
 
Yasuwe:492
 
Yavuzweho:200
 
10
 
10

Mu ruzinduko Perezida wa Repubulika y’u Rwanda, Paul Kagame yagiriye muri Djibouti, we na mugenzi we Ismail Omar Guelleh bayoboye isinywa ry’amasezerano atanu y’ubufatanye mu nzego zitandukanye kuri uyu wa 18 Mata 2017.

Perezida Kagame yavuze ko ibihugu byombi bizakomeza kugirana umubano mwiza no guhuza imyumvire y’uko umugabane wa Afurika uharanira gukomera no kwihesha agaciro.

Yagize ati “Iyi nama ikurikiye izindi zagiye zibera i Kigali zigamije kwiga ku buryo u Rwanda na Djibouti byarushaho kugirana ubufatanye bubyara inyungu. Twishimiye kuzamura ubufatanye mu ishoramari mu duce twahariwe inganda, ingendo zo mu kirere, ikoranabuhanga n’izindi nzego.”

JPEG - 42.7 kb
Perezida Kagame na Ismail Guelleh mu kiganiro n’itangazamakuru nyuma yo kuyobora isinywa ry’amasezerano

Yongeyeho ko ubufatanye bw’ibihugu byombi budashingiye kuri izo nzego gusa kuko hari n’izindi ziziyongeraho nizimara kugaragara nk’izitanga umusaruro.

Perezida Kagame yakomeje agira ati “Dukomeje gukora ubuvugizi kugira ngo turusheho kunga ubumwe. Intego ni uko u Rwanda, Djibouti, akarere kacu na Afurika birushaho kurumbuka. Twishimira buri ntambwe y’ubufatanye n’ubuvandimwe bizadufasha kugera ku gikenewe cyose muri aka karere.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE