Advertisement
 
 
 
 
 
 
 
 

Politiki | Mu Rwanda

U Buholandi ntibuteze gukingira ikibaba abakoze Jenoside - Amb. de Man   

  Yanditswe na TWAGIRA WILSON
 15 April

 
 

Ambasaderi w’u Buholandi mu Rwanda, Frédérique Maria de Man, yahamije ko igihugu cye kitazigera cyemera kuba indiri y’Abanyarwanda bakurikiranweho ibyaha bya Jenoside yakorewe Abatutsi bahungiyeyo.

Amaze kwakirwa na Minisitiri w’Intebe Anastase Murekezi ku wa Kane tariki 14 Mata 2016, Amb. Frédérique Maria de Man, yahamije ko abakekwa bose bahungiye muri iki gihugu bagomba kugarurwa mu Rwanda aho bakoreye icyaha, cyangwa se bakaburanishwa n’inkiko z’u Buholandi.

JPEG - 143.5 kb
Minisitiri w’Intebe Murekezi yakira Ambasaderi w’Ubuholandi Frederique de Man (Foto James R)

Ambasaderi Maria de Man wari uherekejwe n’Umuyobozi w’ibiro bya Minisitiri w’Intebe, Kampeta Sayinzoga Pichette, yakomeje avuga ko hari inyandiko ikubiyemo abakekwaho kugira uruhare muri Jenoside bagishakishwa u Rwanda ziherutse kohererezwa u Buholandi, abari ku rutonde bakaba baratangiye gushakishwa.

Yagize ati “Ntabwo igihugu mpagarariye kizemera gukingira ikibaba, cyangwa guha icumbi abakekwaho kugira uruhare muri Jenoside, cyangwa ibindi byaha by’intambara n’ibyibasiye inyokomuntu bagihungiyemo; bagomba gufatwa inzira z’ubutabera zigakurikizwa.”

Minisitiri w’Intebe n’intumwa y’u Buholandi baganiriye ku ngingo zitandukanye zirebana n’umubano w’ibihugu byombi urimo ubufatanye mu kubaka inzego z’ubutabera, ubukungu, ubuhinzi n’ishoramari bigamije guteza imbere imibereho myiza y’Abanyarwanda.

Ambasaderi Maria de Man yatanze ingero ku rwego rw’ubutabera agaragaza ko hari inkiko nkuru igihugu cye kirimo kubaka mu Rwanda mu karere ka Nyanza, ibikorwa byo gufasha kubika amadosiye y’Inkiko Gacaca mu buryo burambye.

Ati “Nkurikije ingorane urwego rw’ubutabera rwagiye rugira kuva rucyiyubaka, ubu rugeze ku ntambwe ishimishije.”

Umuyobozi w’Ibiro bya Minisitiri w’Intebe Kampeta Sainzoga, yavuze ko abayobozi bombi biyemeje gukomeza ubufatanye hibandwa ku ishoramari rishingiye ku buhinzi ririmo uburyo bwo kongerera agaciro ibiribwa, guteza imbere inganda z’icyayi n’ibindi.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.