Advertisement
 
 
 
 
 
 
 
 

Politiki | Mu Rwanda

Senateri Jean de Dieu Mucyo asize umurage w’umurava, ubwitange no kwiyoroshya   

  Yanditswe na TWAGIRA WILSON
 2 months ago

 
 

Mu muhango wo gusezera bwa nyuma Senateri Jean de Dieu Mucyo, Perezida wa sena Bernard Makuza, yagarutse ku murage mwiza uyu musenateri asigiye abanyarwanda, wo kwiyoroshya, kwitanga ndetse no gukorana umurava akazi ke.

Senateri Mucyo yitabye Imana mu buryo butunguranye kuwa 3 Ukwakira 2016, nyuma yo kugwa ku ngazi z’inyubako y’Inteko ishinga amategeko, agana mu biro yari asanzwe akoreramo.

Mu muhango wo kumusezeraho bwa nyuma mu ngoro y’inteko ishinga amategeko umutwe wa Sena kuri uyu wa Gatanu tariki ya 7 Ukwakira 2016, Perezida wa Sena Bernard Makuza yavuze ko Sena ndetse n’u Rwanda muri rusange babuze umuyobozi waranzwe n’imyitwarire ikwiye kubera abandi urugero.

Yagize ati “Ni igihombo gikomeye ku muryango we ndetse no kuri Sena, tuzahora tumwibukira ku murava n’ubwitange yakoranaga akazi ke, gufatanya n’abandi, kwiyoroshya, kujya inama, n’ubupfura ni wo murage asize..”

Perezida wa Sena yasabye umuryango we kwihangana no kudaheranwa n’agahinda, abizeza ko Sena izababa hafi.





Nyuma yo kumusezeraho bwa nyuma mu ngoro y’Inteko ishinga amategeko, umuhango wakomereje muri kiliziya gatolika ya Regina Pacisi Remera, asomerwa Misa yo kumusezeraho bwa nyuma.

Musenyeri Filipo Rukamba wasomye Misa yo ku musezeraho nawe yagarutse ku butwari bwamuranze mu mirimo itandukanye yakoze, asaba ko n’abandi bamwigiraho.



Senateri Jean de Dieu Mucyo yaherekejwe bwa nyuma n’abantu benshi cyane, barimo abasenateri bakoranaga, abandi bayobozi mu nzego zitandukanye za Leta, ndetse n’izindi nzego zitandukanye.

Binyuze mu butumwa bwatanzwe na Minisitiri muri Perezidansi ya Repubulika, Tugireyezu Venantie, Nyakubahwa Perezida wa Repubulika Paul Kagame yihanganishije umuryango wa Senateri Mucyo.

Asoma ubu butumwa, Minisitiri Tugireyezu yagize ati “Umuryango wa Perezida Paul Kagame wababajwe cyane n’urupfu rwa Nyakwigendera Senateri Mucyo waranzwe n’umurava mu kazi ke.Paul Kagame n’umuryango we ngo bifatanyije n’umuryango we mu gihe cy’akababaro urimo, babifuriza kwihangana no gukomera”.

Umurage wo kwiyoroshya Senateri Mucyo yasigiye abanyarwanda kandi wagarutsweho na Perezida Paul Kagame, mu muhango wo kwakira indahiro z’abayobozi bashya binjiye muri Guverinoma, wabaye kuwa Kane tariki ya 6 Ukwakira 2016.

Yagize ati “Mucyo yari umuyobozi mwiza wuzuza inshingano ze, ku buryo ndetse atari wa wundi wiremerezaga cyane nk’ibyo rimwe na rimwe tujya tubona.Yari umuntu muzima, yari umuyobozi mwiza, nagira ngo dukoreshe uyu mwanya tumwibuke kandi tumushimire.”







 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.