2017-08-23 07:41:18 clouds 27o High | Kigali Rwanda

Dukurikire:
 
 

Perezida wa Zambia yakiriye ambasaderi w’u Rwanda Monique Mukaruliza

Yanditswe na IMVAHO NSHYA

Kuya 2017-06-15 10:53:18

 
Share on:
 
Yasuwe:397
 
Yavuzweho:200
 
10
 
10

Perezida wa Zambia, Edgar Chagwa Lungu, kuri uyu wa 15 Kamena 2017 yakiriye Monique Mukaruliza wagizwe ambasaderi w’u Rwanda muri icyo gihugu.

Mukaruliza yemejwe nka ambasaderi w’u Rwanda mu gihugu cya Zambia mu nama y’abaminisitiri yateranye ku wa Gatanu ku ya 03 Gashyantare 2017, mbere yaho yari Umuyobozi w’Umujyi wa Kigali.

Nyuma yo kumwakira, Perezida Lungu yavuze ko yishimiye kuganira nawe, kandi ko igihugu cye giha agaciro kanini umubano n’u Rwanda ushingiye ku bwubahane, icyizere n’ubufatanye.

Yagize ati “Nishimiye cyane kwakira Nyakubahwa Monique Mukaruliza wagizwe ambasaderi w’u Rwanda muri Zambia. Zambia iha agaciro kanini umubano w’impande zombi n’u Rwanda, ushingiye ku bwubahane, icyizere n’ubufatanye.”

JPEG - 54.6 kb
Perezida Lungu amaze kwakira Amb. Monique Mukaruliza

Lungu yongeyeho ko ategererezanyije urugwiro Perezida Paul Kagame kugira ngo bazaganire ku bufatanye muri gahunda z’iterambere ibihugu byombi bihuriyeho.

Ati “Ntegereje uruzinduko rw’akazi rw’umuvandimwe, Nyakubahwa Paul Kagame kugira ngo tuganire ku nzego z’ubufatanye muri gahunda rusange z’iterambere.”

Zambia ni kimwe mu bihugu bya Afurika bicumbikiye Abanyarwanda benshi. Mu mwaka ushize bamwe bagarutse mu Rwanda nyuma y’uko bamwe mu baturage basahuye kandi bagahohotera Abanyarwanda mu mujyi wa Lusaka babashinja kwihisha inyuma y’ibikorwa by’ubupfumu.

HERVE UGIRUMUKUNDA

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE