Advertisement
 
 
 
 
 
 
 
 

Politiki | Mu Rwanda

Perezida wa Benin yunamiye Abatutsi bazize Jenoside   

  Yanditswe na TWAGIRA WILSON
 3 months ago

 
 

Perezida wa Benin, Patrice Talon uri mu ruzinduko mu Rwanda, ku wa Mbere yasuye urwibutso rwa Jenoside rwa Kigali ku Gisozi rushyinguyemo imibiri isaga ibihumbi magana abiri na mirongo itanu n’icyenda y’inzirakarengane za Jenoside yakorewe Abatutsi.

Mbere yo gutambagizwa urwibutso no kwerekwa amateka yaranze Jenoside, yeretswe filime ngufi kuri jenoside yakorewe Abatutsi mu 1994, akomeza ku mva rusange ayishyiraho indabo.

Nyuma yatambagijwe mu rwibutso ari naho yasobanuriwe amateka yagejeje u Rwanda ku icuraburindi rya Jenoside ryahitanye abasaga miliyoni imwe.

JPEG - 239.1 kb
Perezida wa Benin yunamira abazize Jenoside ku Gisozi.jp

Perezida Talon yari aherekejwe na Minisitiri w’Umuco na Siporo, Uwacu Julienne n’Umunyamabanga Nshingwabikorwa wa Komisiyo y’Igihugu yo kurwanya Jenoside, CNLG, Dr Jean Damascène Bizimana.

Mu ruzinduko arimo mu Rwanda, Perezida wa Benin, biteganyijwe ko azasura agace kihariye kagenewe inganda (Free trade zone), akagirana ibiganiro n’intumwa z’Ikigo cy’igihugu cy’iterambere (RDB).

Perezida Talon asuye u Rwanda nyuma y’iminsi 145 atorewe kuyobora igihugu cya Benin . Yageze i Kigali akubutse i Nairobi muri Kenya aho yari yaritabiriye inama ya gatandatu yahuzaga u Buyapani n’Afurika, TICAD.

Yaje mu ruzinduko rugamije guteza imbere ubufatanye bw’ibihugu byombi kandi butanga umusaruro kuri buri gihugu. Ni n’umwanya wo kongerera imbaraga umubano n’ubuhahirane bisanzwe hagati y’u Rwanda n’igihugu cya Benin.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.