Advertisement
 
 
 
 
 
 
 
 

Politiki | Mu Rwanda

Perezida wa Banki y’Isi, ushyigikiwe na Kagame, agiye kongererwa manda   

  Yanditswe na IMVAHO NSHYA
 2 months ago

 
 

Banki y’Isi yatangaje ko Dr. Jim Yong Kim usanzwe ayiyobora ari we mukandida rukumbi wiyamamariza kuba perezida wayo.

Itangazo iyi banki yasize ahagaragara ku wa Gatatu rivuga ko nta gihindutse Dr. Kim azongererwa manda ya kabiri.

Igihe cyo gutanga kandidatire zo kuyobora Banki y’Isi cyatangiye ku ya 23 Kanama 2016, kirangira ku wa Gatatu ku ya 14 Nzeli.

Abayobozi ba Banki y’Isi bazemeza Dr Kim ku mugaragaro mu nama ngarukamwaka izabera i Washington DC mu Kwakira.

JPEG - 399 kb
Perezida Kagame ahura na Dr. Kim i Washington muri USA muri 2012, icyo gihe yari ataratorerwa kuyobora Banki y’Isi

Ubwo Perezida wa Benin Patrice Talon yagiranaga ibiganiro na Perezida Paul Kagame mu ruzinduko yari yagiriye mu Rwanda mu ntangiriro z’uku kwezi, bemeranyije kuzakora ibishoboka byose ngo Dr. Kim yongere ayobore.

Itangazo rya guverinoma y’u Rwanda rivuga ko ibihugu byombi, byemera ibyagezweho na Dr. Jim Yong Kim mu gihe cya manda ye ya mbere y’imyaka ine.

Perezida Kagame na Talon bagize bati “Dr. Kim yakoze ibishoboka mu gutuma Banki y’Isi iba umufatanyabikorwa w’ibihugu by’Afurika. Iyi banki yatanze ubufasha bugaragara mu iterambere mu nzego z’ibanze z’Afurika harimo ubuzima, ingufu, ibikorwaremezo, imibereho, imijyi, ibidukikije, ubuhinzi n’uburezi.”

Mu gihe cy’ubuyobozi bwa Dr. Kim, Banki y’Isi yagaragaje gushyigikira umutekano n’iterambere ry’akarere k’Ibiyaga Bigari binyuze mu mishinga yo mu karere ihuza za Guverinoma n’urwego rw’abikorera.

Iyi banki kandi yakoze ibishoboka mu gushaka igisubizo cy’icyorezo cya Ebola muri Afurika y’Iburengerazuba.

Perezida Kagame na Talon bemeza ko Dr. Kim nakomeza kuyobora Banki y’Isi bizaha imbaraga ibyagezweho mu bihugu kandi hagakomeza kubaho ubufatanye bwo mu rwego rwo hejuru mu kurandura ubukene no guteza imbere imibereho myiza.

Kim yabaye Perezida wa 12 wa Banki y’Isi kuva ku ya 1 Nyakanga 2012, manda ye izarangira ku ya 30 Kamena 2017.

Uyu mugabo yavukiye muri Koreya y’Epfo mu 1959, ariko umuryango we wimukira muri USA afite imyaka itanu. Ni umwe mu bashinze umuryango Partners in Health.

Yabaye Umujyanama wa Perezida w’ishami ry’Umuryango w’Abibumbye ryita ku buzima, yigisha muri kaminuza ya Harvard ndetse aba perezida wa kaminuza ya Dartmouth. Kuva mu 2012 ni umuyobozi wa Banki y’Isi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.