Advertisement
 
 
 
 
 
 
 
 

Politiki | Mu Rwanda

Perezida Kagame yongeye kwamagana ‘agasuzuguro k’u Bufaransa’   

  Yanditswe na IMVAHO NSHYA
 1 month ago

 
 

Perezida w’u Rwanda, Paul Kagame, kuri uyu wa 10 Ukwakira 2016, yasabye abacamanza bo mu Rwanda, guharanira ko agasuzuguro k’ibihugu bikomeye cyane cyane u Bufaransa gacika burundu.

Mu ijambo yavuze afungura umwaka mushya w’ubucamanza, Kagame yibukije abacamanza ko badahangana n’ibirego bisanzwe gusa, kuko hari abitwaza ubutabera ku mpamvu za politiki bagira ngo basuzugure u Rwanda n’ibindi bihugu bimwe bya Afurika.

Yababwiye ko u Rwanda rutazatezuka guhangana nabo kandi rukabatsinda kuko hashize igihe kinini barushotora bikabananira.

Ati “ Igihugu cyacu twafashe umwanzuro wo kudatezuka ku nshingano zacu z’ibanze zo guha Abanyarwanda ubutabera, imibereho myiza n’agaciro bakwiriye. Ibi byabayeho kuva kera mu ntangiriro, ariko twahanganye nabyo tugeze aho kwishimira.”

U Bufaransa bugiye kongera guperereza ku ihanurwa ry’indege ya Habyarimana

Perezida Kagame yasobanuye ko igihugu cy’u Bufaransa cyakoresheje nabi ubucamanza bwacyo gishaka kurwanya u Rwanda.

Yavuze ko nubwo Leta y’u Bufaransa yagize uruhare muri Jenoside, yongeye gusonga u Rwanda ngo irashaka kumenya uwahanuye indege ya Juvenal Habyarimana wayoboye Leta yateguye ikanashyira mu bikorwa Jenoside .

Ati “ Nk’u Rwanda twashakaga kugirana umubano ukomeye, turabareka tuti nimuze murebe icyo mushaka cyose, tubaha byose, baje hano bagera aho bashaka, bamara imyaka ibiri baperereza ariko bamaze kubona ntacyo babonye ubu ngo barashaka kongera kugaruka.”

Umukuru w’Igihugu yavuze ko kuba u Bufaransa bugiye kongera guperereza ku ihanurwa ry’iyo ndege ntacyo bimutwaye.

Ariko ati “Ndabibutsa ko ubucamanza u Rwanda rugenderaho, butari munsi y’ubw’u Bufaransa cyangwa ngo bubereho inyungu z’u Bufaransa, ntitwiyumva nk’abakoloni babo. Ikindi, nubwo hari ababa bahiye ubwoba nibahumure, nta kibazo bateye. Ni ikibazo kizakemuka mu buryo bumwe cyangwa ubundi kandi nta ngaruka kizagira k’u Rwanda.”

Perezida Kagame yongeyeho ko Abafaransa ubwabo n’abandi bihishe inyuma y’ibyo birego bidafite ishingiro ntacyo bazageraho kuko u Rwanda ruharanira ukuri, kandi kuguharanira bikaba bidasaba gutanga ibya Mirenge.

Ati “Nubwo hari Abanyafurika bamwe babyihishe inyuma ntacyo bizabagezeho uretse kuguma mu bukene, nibo bibabaza […] Nibisaba ingufu tuzazishyiramo. Nimubimparire tuzabikemura. Ntabwo bizadutwara byinshi, kuko iyo uri mu kuri ntibitwara ibintu byinshi.”

 

Comments

  • Rulangwa jules 10 October

    H.E tukuri inyuma rwose ntawakwemera ko ibyo tumeze kubaka bisenywa kubera inda Nini nubusambo byabokamye. Twebwe nkabanyarwanda turi tayali guhangana nabo kuko twahisemo kwihesha agaciro.


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.