2017-07-21 15:15:02 clouds 27o High | Kigali Rwanda

Dukurikire:
 
 

Perezida Kagame yishimiye Umunyafurika wa mbere watorewe kuyobora WHO

Yanditswe na IMVAHO NSHYA

Kuya 2017-05-24 06:02:23

 
Share on:
 
Yasuwe:336
 
Yavuzweho:200
 
10
 
10

Perezida w’u Rwanda, Paul Kagame yatangaje ko yishimiye intsinzi y’Umunya Ethiopia, Dr. Tedros Adhanom Ghebreyesus watorewe kuyobora ishami ry’Umuryango w’Abibumbye ryita ku Buzima, WHO/OMS.

Dr. Tedros yatorewe mu matora yabereye i Geneve mu Busuwisi ku cyicaro cya WHO ejo hashize ku wa 23 Gicurasi 2017.

Yari ahanganye na Dr Sania Nishtar wo muri Pakistan ndetse Dr David Nabarro wari uhagarariye u Bwongereza na Ireland.

JPEG - 163.3 kb
Dr Tedros Adhanom

Ni umunyapolitiki ukomeye muri Ethiopia ndetse akaba n’impuguke mu by’ubuzima. Yabaye Minisitiri w’Ubuzima w’icyo gihugu kuva muri 2005 kugeza 2012 ndetse n’uw’Ububanyi n’Amahanga kuva muri 2012 kugeza mu mwaka ushize.

Mu nama y’abakuru b’ibihugu bya Afurika yo mu mwaka ushize, hemejwe ko ari we uzaserukira uyu mugabane mu matora ku buyobozi bwa WHO.

Mu butumwa yanyujije ku rubuga rwe rwa Twitter, Perezida Kagame yavuze ko Tedros ari we mukandida wari ukwiye kuyobora WHO, anashimira abamutoye bose.

Ati “Nshimiye Abanyafurika n’abo ku yindi migabane babonye ko Dr. Tedros ari we mukandida nyawe bakanishyira hamwe ngo bamushyigikire. Ntabwo ari buri gihe mu matora hatsinda umukandida mwiza ariko itorwa rya Tedros ryerekanye ko umukandida ubikwiriye ashobora gutsinda.”

Mu ntangiriro z’uku kwezi, Dr Tedros Adhanom yagiriye uruzinduko mu Rwanda, aganira na Perezida Kagame. Icyo gihe yamushimiye kuba yaramushyigikiye ndetse n’Abanyafurika bakaba bashyize hamwe ngo azatorwe.

JPEG - 38.8 kb
Ubwo Dr. Tedros aheruka mu Rwanda yahuye na Perezida Paul Kagame

HERVE UGIRUMUKUNDA

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE