2017-06-25 13:58:23 clouds 27o High | Kigali Rwanda

Dukurikire:
 
 

Perezida Kagame yifurije Abanyarwanda bose umunsi mwiza wo Gukunda Igihugu

Yanditswe na IMVAHO NSHYA

Kuya 2016-10-02 05:50:46

 
Share on:
 
Yasuwe:5
 
Yavuzweho:200
 
10
 
10


Perezida wa Repubulika y’u Rwanda, Paul Kagame, yifurije Abanyarwanda bose umunsi mwiza wo gukunda igihugu, uba ku ya 1 Ukwakira buri mwaka.

Mu butumwa yanyujije ku rubuga rwa Twitter, Umukuru w’Igihugu yashimiye abitangiye u Rwanda, baba abapfuye cyangwa abakiriho.

Yanibukije Abanyarwanda ko urugamba rwo kurwanira igihugu cyabo rugikomeje nubwo rwahinduye isura.

Ati “Umunsi mwiza wo gukunda igihugu ku Banyarwanda bose. Nshimiye by’umwihariko batanze ibyabo byose baba abatabarutse n’abakiriho!! Urugamba ruracyakomeje.”

Italiki ya 1 Ukwakira yibutsa itangira ry’urugamba rwo kubohora u Rwanda rwatangiye mu Kwakira 1990, rutangijwe n’ingabo za FPR “APR” zishaka guhirika ingoma y’igitugu n’amacakubiri ya Juvenal Habyarimana.

Urwo rugamba rwasojwe n’izo ngabo, zihagarika Jenoside yakorewe Abatutsi mu 1994. Ingabo za APR ziyobowe na Gen. Maj. Fred Gisa Rwigema zateye umupaka wa Kagitumba ariko nyuma aricwa ku ya 2 Ukwakira, abari bamuri hafi bavuga ko ijambo rya nyuma yavuze rigira riti “Aduyi amenipiga”(umwanzi arandashe).

Ibi byaciye intege abasirikare ariko ku wa 20 Ukwakira 1990, Perezida Paul Kagame wari Majoro, ava muri Leta Zunze Ubumwe za Amerika aho yigaga igisirikare akomeza kuyobora urugamba azana uburyo bushya bw’imirwanire n’izindi mpinduka nyinshi zatumye APR itsinda uru rugamba ikanahagarika ubwicanyi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE