2017-05-28 11:19:27 clouds 27o High | Kigali Rwanda

Dukurikire:
 
 

Perezida Kagame yasuye Tanzaniya

Yanditswe na IMVAHO NSHYA

Kuya 2016-07-01 08:59:51

 
Share on:
 
Yasuwe:1
 
Yavuzweho:200
 
10
 
10

Perezida wa Repubulika y’u Rwanda, Paul Kagame yagiriye uruzinduko muri Tanzaniya aho arafungura ku mugaragaro imurikagurisha mpuzamahanga rya Dar es Salaam (DITF) riraba ribaye ku nshuro ya 40.

Ni nyuma y’uko ibihugu byombi byemeranyije gushyiraho ihuriro (JIC) rikurikiranira hafi ishyirwa mu bikorwa ry’amasezerano yemejwe na Komisiyo Ihoraho ihuriweho n’u Rwanda na Tanzania.

Ayo masezerano arimo ayo kongerera ingufu kompanyi z’indege, RwandAir na Air Tanzania, kwihutisha ibikorwa remezo mu muhora wo hagati, birimo umuhanda wa gariyamoshi uzahuza u Rwanda, Tanzania, u Burundi, Uganda n’Uburasirazuba bwa Congo.

JPEG - 170 kb
Perezida Magufuli amaze kwakira Perezida Kagame

Uruzinduko Perezida Kagame yagiriye muri Tanzania ruza rwishyura urwo Magufuli yagiriye mu Rwanda mu rwego rwo kunoza umubano hagati y’ibihugu byombi.

Magufuli yagiriye uruzinduko rwa mbere hanze y’igihugu cye mu Rwanda muri Mata 2016, icyo gihe yavuze ko we na Kagame bagiye gukora ku buryo abaturage b’ibihugu byabo bakorera hamwe ku bw’inyungu zabo bwite n’iterambere ryihuse.

Perezida Kagame azaba ni we wa kabiri usuye Perezida Magufuli kuva yarahirira kuyobora Tanzania. Uwa mbere ni uwa Vietnam, Truong Tan Sang.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE