Advertisement
 
 
 
 
 
 
 
 

Politiki | Mu Rwanda

Perezida Kagame yasuye indege nshya RwandAir iherutse kugura   

  Yanditswe na IMVAHO NSHYA
 1 month ago

 
 

Perezida w’u Rwanda, Paul Kagame, kuri uyu wa 5 Ukwakira 2016 yasuye indege nshya yo mu bwoko bwa Airbus 330-200 iherutse kugurwa na kompanyi ya RwandAir.

Iyo ndege yitwa ‘Ubumwe’ yagejejwe mu Rwanda ku wa 28 Nzeli 2016, izakoreshwa mu ngendo zihuza u Rwanda n’iyindi migabane.

Ifite ubushobozi bwo gutwara abagenzi 224, yageze mu Rwanda mu rugendo rwayo rwa mbere itwaye abantu basaga 80.

JPEG - 84.1 kb
Perezida Kagame mu cyumba cy’umuderevu w’Ubumwe

“Ubumwe” ifite agaciro k’amadorali miliyoni 250 (miliyari 200 z’amafaranga y’u Rwanda).

Umukuru w’igihugu kandi uyu munsi yakiriye mu biro bye, Aren Sorenson, umuyobozi w’ikigo cy’ubucuruzi bw’amahoteli, Marriott International cyamaze gufungura hoteli yacyo ya mbere mu Rwanda.

JPEG - 122.6 kb
Kagame, abayobozi ba Marriott International n’umuyobozi wa RDB

Ibiganiro byabo byibanze ku iterambere ry’ubukerarugendo, rijyana n’iry’ubucuruzi cyane cyane iry’amahoteli, banavuze ko kuba sosiyete y’indege ya RwandAir ikomeje kwaguka bizatuma abasura u Rwanda biyongera.

RwandAir iteganya gutangira gukoresha izindi ndege enye mbere yo Werurwe 2017. Naho iyi yamaze kugera mu Rwanda izakoreshwa mu ngendo zijya i Dubai.

Indege ya kabiri ya Airbus 330-300 izagera mu Rwanda mu Gushyingo, izo ndege zombi zizafasha RwandAir gukora neza ingendo zo muri Aziya n’u Burayi.

RwandAir igiye gutangiza ingendo muri Zimbabwe, u Buhinde no mu Bushinwa hanyuma izakurikizeho u Burayi.

Iki kigo giteganya ko indege kigiye kugura zizatuma umubare w’abagenzi ibihumbi 500 cyatwaraga buri mwaka uzagera kuri miliyoni zisaga eshatu mu myaka itanu iri imbere.



 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.