Advertisement
 
 
 
 
 
 
 
 

Politiki | Mu Rwanda

Perezida Kagame yasabye Umuhora wa Ruguru kwihutisha imishinga   

  Yanditswe na HERVE UGIRUMUKUNDA
 April 2016

 
 

Perezida w’u Rwanda Paul Kagame yasabye abakuru b’ibihugu bigize Umuhora wa Ruguru kwihutisha imishinga y’ibikorwaremezo n’iyindi ibyo bihugu bihuriyeho.

Inama ya 13 y’Umuhora wa Ruguru, yabereye mu nyubako y’Inama Mpuzamahanga ya Common Wealth yitiriwe Speke iri i Munyonyo muri Uganda. Yitabiriwe na Perezida Kagame, Uhuru, Museveni n’abahagarariye Sudani y”Epfo, Ethiopia, Burundi, Tanzania.

JPEG - 129 kb
Perezida Kagame yitabiriye inama ya 13 y’Umuhora wa Ruguru

Perezida Museveni yavuze ko Umuhora wa Ruguru ari kimwe mu bituma gahunda z’umuryango wa EAC zihuta ariko ko hari bamwe bashatse kudindiza ibimaze kugerwaho.

Ati”Ibibazo bya ruswa byadindije gahunda zacu, bamwe bashaka kwigwizaho inyungu bonyine, ariko biri gukemuka.”

Museveni yasabye abayobozi bo mu karere guha agaciro Umuhora wa Ruguru ndetse aha ikaze Perezida Kagame mu gihugu cye.

Perezida Kagame yasabye ko imishinga y’Umuhora wa Ruguru ifatwa nk’iyihutirwa kuko hari byinshi bivugwa mu magambo kubikora bigakerererwa.

Ati” Mu gihe hari ibyo twagezeho mu nzego zimwe z’ibanze, ni ngombwa ko twumva ko ibyo twiyemeje byose bigomba gushyirwa mu bikorwa ku buryo bwihutirwa.”

Muri iyo nama havuzwe ko umuhanda wa gariyamoshi witezweho guhuza icyambu cya Mombasa n’u Rwanda umaze kubakwa ku kigero cya 75% ku buryo muri Kamena 2017 uzaba wamaze kugera muri Uganda.

Uganda yasinye amasezerano n’ikigo cy’ubwubatsi cyo mu Bushinwa muri uku kwezi kugira ngo hubakwe igice cy’uwo muhanda kizava mu mujyi wa Kampala kikagera I Malaba.

Biteganyijwe ko inama itaha y’Umuhora wa Ruguru izabera muri Kenya

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.