Advertisement
 
 
 
 
 
 
 
 

Politiki | Mu Rwanda

Perezida Kagame yasabye abayobozi gucika ku ngeso yo gukingirana ikibaba   

  Yanditswe na IMVAHO NSHYA
 31 March

 
 

Perezida Kagame yasabye uri uyu wa Kane abayobozi gucika ku muco wo gukingira ikibaba no guhishira bagenzi babo bakora amakosa.

Ubwo yasozaga Itorero Imbonezamihigo ryahuje abayobozi b’inzego z’ibanze i Gabiro mu karere ka Gatsibo, umukuru w’igihugu yagarutse ku bayobozi bahishirana mu makosa, abandi bagashaka kuzamura amazimwe.

Yavuze ko nta na rimwe azihanganira abantu bashaka guteranya bagenzi babo, bakamubwira ibinyoma.

Ati “Hari uza akambwira ibintu ariko akongera ngo sinkubwira uwabimbwiye cyangwa ati ‘nubwo mukubwiye rwose ntuzamvemo’[…] Ntabwo wambwira ibintu ngo sinkubaze ukuri kwabyo. Njyewe ndi ubika amabanga y’ikinyoma nkayo?”

JPEG - 174.5 kb
Abayobozi bitabiriye itorero

Perezida Kagame yabwiye abayobozi ko kwitandukanya na bagenzi babo mu mafuti bidahagije ahubwo ko bakwiriye kutigira ba ntibindeba ngo bahishire ayo makosa.

Avuga ku bayobozi bigabiza imitungo ya rubanda, Perezida Kagame yasabye abayobozi kutigira indyarya ngo bahore mu masengesho nyamara abe ari nabo bafata iya mbere mu kurya ibya rubanda rugufi.

Ati” Njya numva ngo murasenga…. bamwe mu misa abandi mu biterane banigirije ariko mwarangiza umuntu utagira n’urwara rwo kwishima mukamwambura. Ni ikinyoma kibi kandi utakizwa n’amahugurwa nk’aya mwakoze, kuko kikurimo ni wowe ugomba kukikiza.”

Yagarutse ku bindi bibazo byugarije imiyoborere muri iki gihe birimo imishinga yadindiye, abaturage badahabwa serivisi, no kudashyira ingufu zihagije mu kazi.
Itorero Imbonezamihigo ryahuje abajyanama b’uturere n’Umujyi wa Kigali bagera kuri 836 baturutse mu gihugu hose.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.