2017-11-22 09:53:14 clouds 27o High | Kigali Rwanda

Dukurikire:
 
 

Perezida Kagame yamuritse icyegeranyo ku ishyirwa mu bikorwa ry’amavugurura muri AU

Yanditswe na IMVAHO NSHYA

Kuya 2017-07-03 14:42:18

 
Share on:
 
Yasuwe:282
 
Yavuzweho:200
 
10
 
10

Perezida Kagame yamuritse icyegeranyo ku mavugurura y’Umuryango w’Ubumwe bwa Afurika, AU, mu nama yawo ya 29 yabereye mu mwiherero kuri muri Ethiopia kuri uyu wa 3 Nyakanga 2017.

Umukuru w’Igihugu, wayoboye komisiyo y’impuguke zateguye ayo mavugurura, yashimiye Perezida wa Guinea, Alpha Conde, Idris Deby na Perezida wa Komisiyo ya AU, Moussa Faki Mahamat, bayoboye ishyirwa mu bikorwa byayo.

Yasobanuye ko impinduka muri AU, zishingiye ku bikorwa by’abahoze bayoboye ibihugu bya Afurika.

Ati “ Twishimira abahoze ari Abakuru b’ibihugu kubera akazi gakomeye bakoze kakadusigira umusingi wo kubakiraho ubumwe bw’umugabane. Kuri ubu dufite intego n’ubumwe twiyemeje gusigasira. Byamaze kugaragara ko izi mpinduka zitazasubizwa inyuma bitungura bamwe ndetse bisa n’ibibangamamiye.”

Perezida Kagame yongeyeho ko hari benshi batishimiye ko ibihugu bya Afurika byunga ubumwe kandi bikigenga, bitewe n’inyungu zihariye bafite.

Ati “ Yewe n’abatwifuriza ibyiza bashobora kugira impamvu yo guca intege Afurika yigenga kandi ifite umurongo uhamye kurushaho.”

JPEG - 294.9 kb
Perezida Paul Kagame, uwa kane imbere uturutse ibumoso, ari kumwe n’abandi bakuru b’ibihugu bigize AU ubwo bari mu nama i Addis Ababa muri Ethiopia

Yavuze ko amavugurura yakozwe ashobora kwiyongeramo ibindi bitekerezo byubaka byatangwa n’abagize AU. Ku bwa Perezida Kagame, icy’ingenzi ni ukudaha umwanya ugushidikanya gushingiye mu mikorere na politiki, ngo kuburizemo intego z’ibanze ibihugu bya Afurika byiyemeje.

Arongera ati “Dukwiye gufata izi mpinduka nk’amahirwe ya nyuma yo kugira ngo AU ikemure ibibazo bishingiye ku mafaranga kandi ihe umutekano abaturage ba Afurika. Kuba kimwe cya gatanu cy’ibihugu bigize AU byaratangiye gutanga umusoro wa 0.2% ku misoro y’ibyinjiye mu gihugu bigaragaza ko bishoboka.”

Akanama k’impuguke kayobowe na Perezida Kagame kemeje ko ibikorwa bya AU, bigomba gushingira ku bushobozi bw’abanyafurika, buri gihugu kikajya gitanga 0.2% by’amahoro y’ibyinjira mu gihugu, ukajya muri AU, amafaranga akomoka kuri ayo mahoro yose hamwe akazagera kuri miliyari $1.2 buri mwaka.

Uyu mwanzuro uzatuma umuryango wa AU urushaho kutagendera ku nkunga uterwa n’ibihugu by’amahanga dore ko mu mafaranga ukoresha harimo menshi aturuka mu muryango w’Ubumwe bw’u Burayi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE