2017-08-17 13:46:28 clouds 27o High | Kigali Rwanda

Dukurikire:
 
 

Perezida Kagame yakiriye umukuru w’Inteko y’u Bushinwa

Yanditswe na IMVAHO NSHYA

Kuya 2016-03-23 13:11:54

 
Share on:
 
Yasuwe:0
 
Yavuzweho:200
 
10
 
10

Perezida Kagame yakiriye Perezida w’Inteko Ishinga Amategeko y’u Bushinwa, Zhang Dejiang , uri mu ruzinduko mu Rwanda kuri uyu wa 23 Werurwe 2016.

Hon. Dejiang yahuye na perezida Kagame nyuma yo kugirana ibiganiro na Perezida wa Sena Bernard Makuza, bakavugana ku buhahirane bw’ibihugu byombi no guteza imbere inganda mu Rwanda hagamije kugabanya icyuho cy’ibitumizwa mu mahanga.

Nyuma y’ibiganiro byabereye mu muhezo, Perezida wa Sena, Bernard Makuza yavuze ko u Rwanda rushyize imbere iterambere ry’ubukungu bushingiye ku nganda no kongerera agaciro ibikomoka ku buhinzi.

Yabwiye itangazamakuru ko umubano w’u Rwanda n’u Bushinwa ushingiye ku bwubahane n’ubufatanye.

Ati” Twashimangiye ko ubutwererane n’umubano u Rwanda rufitanye n’u Bushinwa bishingiye ku bwubahane, bishingiye mu gukorana, atari ibintu biza ngo byikubite aho nk’uko tujya tubona ibihugu bimwe na bimwe bibikorera Afurika. Rero ntabwo u Rwanda ruzemera ubufatanye na bimwe mu bihugu bishaka umubano gusa bigamije gutegeka.’’

Ibyo biganiro byanagarutse ku mishinga inyuranye irimo kubaka imihanda, ibitaro, ibijyanye n’ingufu z’amashanyarazi no kubaka ubushobozi bw’abakozi cyane mu ikoranabuhanga.

Amb. Pan hejun uhagararaiye u Bushinwa mu Rwanda aherutse gutangaza ko guverinoma y’u Bushinwa izafasha iyubakwa ry’imihanda ihuza Umujyi wa Kigali ingana na km 54, ndetse ko inyandiko zateguwe neza, ku buryo zizashyikirizwa Banki yo mu Bushinwa kugira ngo itange amafaranga y’uwo mushinga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE