2017-05-27 10:19:18 clouds 27o High | Kigali Rwanda

Dukurikire:
 
 

Perezida Kagame yakiriye indahiro z’abayobozi bashya mu ngabo na guverinoma

Yanditswe na IMVAHO NSHYA

Kuya 2016-03-29 11:41:29

 
Share on:
 
Yasuwe:10
 
Yavuzweho:200
 
10
 
10

Perezida Kagame yakiriye indahiro z’abayobozi bashya muri guverinoma ndetse no ngabo z’u Rwanda kuri uyu wa 29 Werurwe 2016.

Abarayihe barimo Umugaba Mukuru w’Ingabo zirwanira mu kirere, Brig. Gen. Karamba Charles, Umugaba Mukuru w’Ingabo zirwanira ku butaka, Maj. Gen. Jacques Musemakweli, Umunyamabanga Mukuru w’Urwego rw’Igihugu rushinzwe Iperereza n’Umutekano (NISS), Brig. Gen. Nzabamwita Joseph na Minisitiri w’Uburinganire n’iterambere ry’Umuryango, Dr Gashumba Diane.

Perezida Kagame yabwiye abo bayobozi ko bose ko yizeye ko bazakomeza gukora neza, bakabungabunga umutekano w’igihugu kandi bagashyira imbere gufatanya na bagenzi babo.

Ati “ Umutekano ni ngombwa kugira ngo amajyambere y’igihugu aboneke kandi na none uko tubibona kuri iyi Si hose umutekano ugenda uba ngombwa kurushaho; ari na ko ukomera kuwubona kurusha uko bisanzwe.”

Perezida Kagame yasobanuye ko ubuzima bwiza buri Munyarwanda yifuza buzagerwaho ari uko umuyobozi aho ava akagera abugangabunze umutekano kandi akabishishikariza n’abo ayoboye.

Umukuru w’igihugu kandi, yashimye abayobozi basimbuwe ahamya ko hari byinshi bagejej ku gihugu.

Mu barahiye harimo Minisitiri w’Uburinganire n’iterambere ry’Umuryango Dr. Diane Gashumba wasimbuye Oda Gasinzirwa, Maj. Gen. Jacques Musemakweli wasimbuye Lt. Gen. Mushyo Kamanzi wagizwe umugaba w’ingabo za UNAMID muri Sudani.

Harimo ka ndi Brig. Gen Joseph Nzabamwita, Umunyamabanga Mukuru mushya w’Urwego rw’Igihugu rushinzwe Iperereza n’Umutekano (NISS) wasimbuye Lt. Gen. Emmanuel Karenzi Karake, n’Umugaba Mukuru w’Ingabo zirwanira mu kirere Brig. Gen. Charles Karamba wasimbuye Brig. Gen. Joseph Muzungu Demali.

Andi mafoto y’umuhango wo kurahira wayasanga hano

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE