2017-08-20 07:43:19 clouds 27o High | Kigali Rwanda

Dukurikire:
 
 

Perezida Kagame yakiriye indahiro z’abayobozi bashya

Yanditswe na IMVAHO NSHYA

Kuya 2017-07-07 10:17:51

 
Share on:
 
Yasuwe:411
 
Yavuzweho:200
 
10
 
10

Perezida wa Repubulika y’u Rwanda, Paul Kagame yakiriye indahiro y’abayobozi bashya , Winifrida Niyitegeka, winjiye mu Nteko Ishinga Amatageko, umutwe w’Abadepite na Yankurije Odette, Umuvunyi wungirije ushinzwe gukumira no kurwanya akarengane.

Aba bayobozi, bafashe ku ibendera rya Repubulika, barahiriye kutazahemukira u Rwanda, kuzubahiriza itegeko nshinga n’andi mategeko, guharanira uburenganzira bwa muntu, guharanira ibyagirira abantu bose akamaro, kwimika ubumwe bw’Abanyarwanda, no gukora neza inshingano zabo.

JPEG - 116.6 kb
Yankurije Odette, Umuvunyi wungirije, arahira

Umukuru w’igihugu, Paul Kagame mu butumwa yagejeje ku bitabiriye uwo muhango, yasabye abarahiye, gukora neza bakagira uruhare mu iterambere ry’igihugu, abizeza ko abasanzweho bazabafasha mu nshingano zabo.

Yagize ati “Ndizera ko imirimo izakorwa nk’uko bikwiye ku bayobozi bashya n’abasanzwe […] Imirimo nizere ko bazayinoza, ari natwe basanzwe, tuzafatanya nabo kugira ngo imirimo irusheho koroha.”

Yongeyeho ko muri iyi minsi abayobozi bazagira umwanya wo kujya hirya no hino mu turere, kubera ibikorwa by’amatora igihugu kigiye kwinjiramo, abasaba kuzumva ibibazo by’abaturage bikabafasha mu gufata ingamba zo kuzamura igihugu.

Ati “ Ndumva tuzakoresha uwo mwanya tukumva ibibazo by’abaturage, tukabibonera imbonankubone kugira ngo bizadufashe gushyiraho ingamba zo guteza imbere ubukungu n’umutekano w’abanyagihugu.”
Depite Niyitegeka Winifrida
Depite Niyitegeka Winifrida, w’imyaka 45 yarahiye asimbuye Mukayisenga Francoise witabye Imana mu kwezi gushize, uyu mudepite mushya yanahoze mu nteko kuva muri 2008 kugeza muri 2013.

Naho Yankurije Odette yari asanzwe ari umuyobozi ushinzwe kwegereza abaturage ubutabera muri Minisiteri y’Ubutabera

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE