Advertisement
 
 
 
 
 
 
 
 

Politiki | Mu Rwanda

Perezida Kagame yakiriye indahiro z’abagize guverinoma bashya   

  Yanditswe na IMVAHO NSHYA
 1 month ago

 
 

Perezida w’u Rwanda, Paul Kagame, yakiriye indahiro z’abaminisitiri bagize guverinoma bashya n’abandi bayobozi bakuru ba Leta kuri uyu wa 6 Ukwakira 2016.

Mu ijambo rye, Kagame yashimiye abayobozi muri rusange ko bakomeje gutera intambwe mu kazi bakora, ariko abibutsa ko bakwiriye gukora ibintu bifite bireme kandi bakabikorera ku gihe.

Ati “ Hari intambwe ikomeza kugaragara mu bintu bitandukanye ariko nk’uko nababwiye ubushize, uko utera intambwe ni nako wibuka ko hari indi ugomba gutera igutegereje. Akazi ntikagabanuka … iyo ukora neza uhora ufite impungenge wibaza icyo wakora ngo ibintu bidasubira inyuma cyangwa ngo bigume aho biri gusa.”



Umukuru w’igihugu yongeyeho ko impinduka zabayeho zigamije gushakisha uburyo igihugu cyatera izindi ntambwe.

Abavuye mu myanya yabo nabwo baracyafite inshingano

Perezida Kagame yabwiye abavanwe mu myanya bari barimo ko bagifite inshingano zo gukorera igihugu aho bazajya hose baba bakigikorera cyangwa bikorera ubwabo.

Ati “ N’abatakiri mu myanya bari barimo, ntabwo bibavanyeho inshingano kuko bazajya ahandi. N’umuntu ku giti cye, cyane cyane nk’uwahawe inshingano nk’izo bari bafite, aho ajya ari hose aba akizifite. Ahora aharanira inyungu ze n’iz’abandi.”

Yabasabye kutaremereza impinduka zabayeho ahubwo bagakomeza gukora neza.

Ambasaderi Rugwabiza ari mu bagize guverinoma

Perezida Kagame kandi yavuze ko Ambasaderi w’u Rwanda mu muryango w’Abibumbye, Valentine Rugwabiza, ari mu bagize guverinoma kuko ahantu yagiye hakomeye cyane. ‘Agiye guhagararira u Rwanda mu bihugu byinshi cyane’.

Ati “ Hari minisitiri twahinduriye imirimo tukamugira ambasaderi ariko nagira ngo ubugororangingo buvuge ko abaye ambasaderi ariko akiri muri guverinoma, ntimuzi icyo byunguyeho ariko njye binyorohereza akazi, ni ukuvuga ngo aho agiye ni ahantu hakomeye cyane ntabwo ari igihugu agiye kuduhagarariramo, ni ibihugu agiye kuduhagarariramo. ”

Abagize guverinoma bashya barahiye barimo Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye, Munyakazi Isaac, Umunyamabanga wa Leta muri Minisiteri y’Ubutegetsi bw’Igihugu ushinzwe iterambere ry’abaturage, Munyeshyaka Vincent, Umunyamabanga wa Leta muri Minisiteri y’Ubutabera ushinzwe ibyerekeye Itegeko Nshinga n’andi mategeko: Uwizeyimana Evode, n’Umunyamabanga wa Leta muri Minisiteri y’Ubuhinzi n’Ubworozi ushinzwe ubuhinzi: Nsengiyumva Fulgence, abaguverineri b’intara bashya …



















 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.