Advertisement
 
 
 
 
 
 
 
 

Politiki | Mu Rwanda

Perezida Kagame na Talon basabye amahanga guha amahoro Abanyarwanda bakiyobora   

  Yanditswe na IMVAHO NSHYA
 3 months ago

 
 

Perezida wa Repubulika y’u Rwanda, Paul Kagame na Patrice Talon bamaganye bimwe mu bihugu bishaka kuyoborera u Rwanda n’ibindi bihugu bya Afurika muri rusange.

Mu kiganiro n’abanyamakuru kuri uyu wa 31 Kanama 2016, aba bakuru b’ibihugu babajijwe ku gihe bateganya kumara ku butegetsi, cyane cyane Perezida Kagame, nyuma y’uko Abanyarwanda bamusabye kuyobora manda ya gatatu.

Perezida Patrice Talon, yasubije ko abaturage bafite ububasha bwo gutuma umukuru w’igihugu yongera kwiyamamaza kuko ari bo ubwabo bazi icyo bakeneye.

Ati” Abantu, hatitawe ku gihe cyangwa akarere, bishyiriraho amategeko bagendeye ku mateka yabo n’ubuzima babayemo. Amategeko ashyirwaho n’abaturage kugira ngo bashyire umurongo mu buzima bwabo.”

Yunzemo ati” Ibyo tugenderaho muri Benin ntabwo ari byo u Bushinwa bugenderaho, sibyo Espagne igenderaho… Icyangombwa ni uko impinduka twihitiyemo ziganisha ku mibereho myiza.”

JPEG - 79.8 kb
Abakuru b’ibihugu by’u Rwanda na Benin mu kiganiro n’itangazamakuru

Umukuru wa Benin yongeyeho ko ibihugu by’u Burayi na Amerika byashatse ko Afurika igendera mu kwaha kwabyo none ibihugu bimwe by’uyu mugabane bikaba byaraheze mu kavuyo.

No mu Burayi hari abatayobowe neza

Perezida Paul Kagame yasobanuye ko nta gihugu gihuje n’ikindi imiyoborere ijana ku ijana. Yabwiye umunyamakuru ko no mu Burayi ibihugu bidahuje demokarasi kandi ko naho hari abakuru b’ibihugu binubirwa cyane n’abaturage babo.

Ati” Mu Burayi sinzi ko wakwihanukira ukavuga ko imiyoborere yaho isa. Hari ibihugu bifite abayobozi bagira manda imwe, ariko hari n’abiyongeza ebyiri, eshatu…”

Yasabye ibihugu bishaka kwivanga muri politiki y’u Rwanda gutanga amahoro kuko abanyarwanda bafite ubushobozi n’ubushake bwo kwiyobora.

Ati” Iyaba bumvaga ko abaturage b’igihugu bafite uburenganzira busesuye bwo kwiyobora, bakaduhaye amahoro. Ariko niba ari byo biba bibaraje ishinga ntacyo nabyo bidutwaye. Mu by’ukuri dushaka kwiyobora, kandi kwiyobora ntabwo ari impano duhabwa n’abanyamahanga, kuko nabo muri iyi minsi nabo turabona ko bafite ibibazo bikomeye cyane. Iyo uyobora abaturage miliyoni 60 kandi muri bo 12% gusa ari bo bagushyigikiye , nibaza impamvu ushaka ko ngera ikirenge mu cyawe.”

Perezida Patrice Talon arasoza uruzinduko rw’iminsi itatu yagiriye mu Rwanda kuri uyu wa Gatatu. Benin n’u Rwanda byashyize umukono ku masezerano atandukanye y’ubufatanye arimo ay’ubucuruzi n’imigenderanire.

Talon avuye mu Rwanda yemeje ko igihugu cye kigiye kuvaniraho Abanyafurika bose viza nk’uko Leta y’u Rwanda yabikoze.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.