Advertisement
 
 
 
 
 
 
 
 

Politiki | Mu Rwanda

Perezida Kagame na Magufuli bafunguye umupaka uhuriweho n’ibihugu byombi   

  Yanditswe na NDAMAGE FRANK
 April 2016

 
 

Perezida w’u Rwanda Paul Kagame n’uwa Tanzaniya John Pombe Magufuli bafunguye umupaka umwe wa Rusumo uhuza u Rwanda na Tanzania kuri uyu wa 6 Mata 2016.

Ni mu ruzinduko rwa mbere Perezida Mugufuli agiriye hanze y’igihugu cye. Biteganyijwe ko azanifatanya n’Abanyarwanda kwibuka Jenoside yakorewe Abatutsi ku nshuro ya 22 bizakorwa ku ya 7 Mata 2016 aho bari kumwe n’abafasha babo, abo bakuru b’ibihugu byombi bazashyira indabo ku mva zashyinguwemo abishwe muri Jenoside yakorewe Abatutsi muri 1994 bakanatsa urumuri ruzamara iminsi 100.

Ku gicamunsi hazaba urugendo rwo kwibuka mbere y’umugoroba wo kwibuka kuri Sitade Amahoro.

JPEG - 173.5 kb
Perezida Kagame asuhuzanya na Magufuli ubwo aheruka muri Tanzania

Umupaka wa Rusumo uhuriweho n’u Rwanda na Tanzaniya uzakemura ikibazo cy’igihe n’amafaranga byakoreshwaga n’abinjira cyangwa abasohoka mu gihugu.

Butera Yves ushinzwe itumanaho no kwakira abantu mu kigo gishinzwe abinjira n’abasohoka aherutse kubwira Imvaho Nshya ko ubusanzwe umuntu wabaga aturutse mu Rwanda yagombaga guteza kashi cyangwa se kumenyekanisha ibicuruzwa ku ruhande rw’u Rwanda yagera no ku ruhande rwa Tanzaniya akongera, bikanagenda bityo no ku winjira mu Rwanda.

Ati “Ariko ubu ibyo byose bizajya bikorerwa mu nyubako imwe ihuriweho n’abakozi b’ibihugu byombi bikaba bigiye kugabanya ingendo n’igihe”.

Perezida Kagame yaherukaga muri Tanzania ubwo Perezida Magufuli yarahiraga, abaturage bakaba baramwishimiye bidasanzwe. Perezida Kagame na Perezida Magufuli bahuriye ku bintu byinshi ariko cyane kurwanya ruswa no gusesagura umutungo wa Leta.

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.