Advertisement
 
 
 
 
 
 
 
 

Politiki | Mu Rwanda

Perezida Kagame ategerejwe muri Tanzania   

  Yanditswe na HERVE UGIRUMUKUNDA
 5 months ago

 
 

Perezida Kagame azagirira uruzinduko muri Tanzania ku ya 1 Nyakanga 2016 aho we na perezida John Pombe Magufuli bazashyira umukono ku masezerano y’ubufatanye aherutse kwemezwa n’impuguke z’ibihugu byombi.

Minisitiri w’Ububanyi n’Amahanga wa Tanzania, Amb. Augustine Mahiga yatangaje ko Perezida Kagame azaba yitabiriye ubutumire bwa Magufuli.

Ni nyuma y’uko ibihugu byombi byemeranyije gushyiraho ihuriro (JIC) rikurikiranira hafi ishyirwa mu bikorwa ry’amasezerano yemejwe na Komisiyo Ihoraho ihuriweho n’u Rwanda na Tanzania.

Ayo masezerano arimo ayo kongerera ingufu kompanyi z’indege, RwandAir na Air Tanzania, kwihutisha ibikorwa remezo mu muhora wo hagati, birimo umuhanda wa gariyamoshi uzahuza u Rwanda, Tanzania, u Burundi, Uganda n’Uburasirazuba bwa Congo.

JPEG - 349 kb
Perezida Kagame mu muhango w’irahira rya Dr Magufuli

Ikinyamakuru Daily News kivuga ko Minisitiri Mahiga ahamya ko amasezerano Perezida Kagame na Magufuli bazasinya afitiye akamaro gakomeye ibihugu byombi.

Yongeyeho ati” Ayo masezerano azashyirirwaho umukono ku ngoro y’umukuru w’igihugu ya Magogoni mu mujyi wa Dar es Salaam ku ya 1 Nyakanga.”

Nyuma yaho Perezida Kagame azajya gufungura imurikagurisha rya Saba Saba rizabera ahitwa Kilwa, ku mugoroba asangire na Dr. Magufuli.

Amb. Mahiga avuga ko uruzinduko Perezida Kagame azagirira muri Tanzania ruza rwishyura urwo Magufuli yagiriye mu Rwanda mu rwego rwo kunoza umubano hagati y’ibihugu byombi.

Magufuli yagiriye uruzinduko rwa mbere hanze y’igihugu cye mu Rwanda muri Mata 2016, icyo gihe yavuze ko we na Kagame bagiye gukora ku buryo abaturage b’ibihugu byabo bakorera hamwe ku bw’inyungu zabo bwite n’iterambere ryihuse.

Perezida Kagame azaba ari we wa kabiri usuye Perezida Magufuli kuva yarahirira kuyobora Tanzania. Uwa mbere ni uwa Vietnam, Truong Tan Sang.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.