Advertisement
 
 
 
 
 
 
 
 

Politiki | Mu Rwanda

Perezida Kagame arasaba abatuye Isi gufatanya kurengera akayunguruzo k’izuba   

  Yanditswe na IMVAHO NSHYA
 1 month ago

 
 

Umukuru w’Igihugu cy’u Rwanda, Paul Kagame, yasabye abatuye Isi kongera ingufu mu kurengera akayunguruzo k’imirasire y’izuba kangijwe n’ibyuka bihumanya ikirere no kwangiza ibidukikije.

Ni ubutumwa yatangiye mu nama ya 28 y’ibihugu bisaga 200 byasinye amasezerano ya Montreal iri kubera i Kigali kuri uyu wa 13 Ukwakira 2016.

Perezida Kagme yavuze ko buri wese afite inshingano yo kwirinda ihindagurika ry’ibihe kuko rigira ingaruka mbi ku bantu n’ibindi biremwa biri ku Isi.

Ati “Dufite inshingano yo kwirinda ko ihindagurika ry’ibihe rikomeza kugira ingaruka ku baturage bacu n’ibidukikije. Ubutumwa bwanjye uyu munsi ni ukubahamagarira mwese gukora ibyo twiyemeje kandi tukabikora neza.”



Yasabye ibihugu byashyize umukono ku masezerano yo kurengera akayunguruzo k’izuba i Montreal kutajijinganya na gato mu kuyashyira mu bikorwa, kuko uko igihe gihita ari nako ingaruka zirushaho kuba nyinshi.

Yongeyeho kandi ko kurengera ibidukikije hakiri kare bizagabanya amafaranga yabigendagaho ndetse bigatuma Isi iba nziza mu gihe kizaza.

Umukuru w’Igihugu yavuze ko ibyo bitazakorwa n’ibihugu gusa, ahubwo ko za Leta zigomba gufatanya n’abahanga muri siyansi n’urwego rw’abikorera.

Yibukije ko ibikoresho by’ikoranabuhanga bidafite ubuziranenge n’ibishaje bifite uruhare runini mu kohereza ibyuka byangiza ikirere n’akayunguruzo k’izuba.

Ati “Tugomba kwibuka ko hakiri inyungu nyinshi mu gukora ibikoresho byizewe, nidukora ibikoresho byujuje ubuziranenge bizagabanya imyuka yangiza ikirere, wenda twazagabanya ubushyuhe bw’Isi ho dogere imwe ya Celsius.”

Abitabiriye inama baganiriye ku ivugururwa ry’Amasezerano ya Montreal, ayo masezerano navugururwa azihutisha guhagarika ikoreshwa ry’imyuka yangiza ikirere izwi nka "hydrofluorocarbons" (HFCs) ikoreshwa mu byuma.

Iri vugururwa rishobora kuzagabanya dogere 0.5 ya Celsius kw’izamuka ry’ubushyuhe bw’isi kugeza mu mpera z’iki kinyejana.

Leta y’u Rwanda ishyigikiye iri vugururwa kuko bigaragaza uko umuryango mpuzamahanga wiyemeje kugera ku ntego z’Amasezerano y’i Paris ; agamije kugumisha igipimo cy’ubushyuhe bw’isi kuri dogere ebyiri kandi icyo gipimo kikaba cyagera kuri dogere 1.5.





 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.