2017-06-28 15:02:12 clouds 27o High | Kigali Rwanda

Dukurikire:
 
 

Perezida Kagame na Kabila barahurira mu mujyi wa Rubavu

Yanditswe na IMVAHO NSHYA

Kuya 2016-08-12 05:00:00

 
Share on:
 
Yasuwe:166
 
Yavuzweho:200
 
10
 
10

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu.

Biteganyijwe ko Perezida Kagame na Kabila baganira ku mubano w’ibihugu byabo, umutekano mu karere ndetse n’uko bakoresha gazi methane iri mu kiyaga cya Kivu ibihugu bihuriyeho.

JPEG - 83.2 kb
Perezida Kabila agera mu mujyi wa Rubavu

Ku wa 16 Gicurasi 2016, Perezida Kagame yafunguye ku mugaragaro umushinga wa “Kivu Watt” uzatanga amashanyarazi angana na MW100.

Uwo mushinga ukorera mu karere ka Karongi mu Burengerazuba, uzavana gaze methane mu kiyaga cya Kivu uyibyaze amashanyarazi.

Icyiciro cya mbere ni icyo gutanga amashanyarazi ya MW 25 mu gihe icya kabiri kitezweho MW 75. Uwo mushinga ukorwa na sosiyete y’Abanyamerika, ContourGlobal.

Nubwo u Rwanda rwafashe iya mbere mu kubyaza umusaruro gazi methane , hakenewe ubufatanye na Congo kuko hari igice kinini k’i Kivu kiri muri icyo gihugu nacyo kirimo iyo gazi kandi ikaba ishobora guteza ingaruka igihe idakoreshejwe.

Kagame na Kabila baherukaga guhuzwa n’ibiganiro by’imbonankubone bihariye bonyine ku ya 6 Kanama 2009 mu mujyi wa Goma.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE