2017-07-22 11:46:59 clouds 27o High | Kigali Rwanda

Dukurikire:
 
 

Oda Gasinzigwa yarahiriye guhagararira u Rwanda mu nteko ya EALA

Yanditswe na IMVAHO NSHYA

Kuya 2016-10-21 09:19:23

 
Share on:
 
Yasuwe:6
 
Yavuzweho:200
 
10
 
10

Depite Oda Gasinzigwa yarahiriye kwinjira mu nteko y’Umuryango wa Afurika y’Uburasirazuba ku wa kane ku ya 20 Ukwakira 2016.

Mu muhango wari uyobowe n’umukuru w’iyo nteko, Daniel Kidega, Gasinzigwa yarahiye ari kumwe n’Umurundi, Jean Marie Muhirwa nawe winjiye muri EALA.

Oda Gasinzigwa yasimbuye muri EALA, Christophe Bazivamo, watorewe kuba Umunyamabanga Wungirije w’Umuryango wa Afurika y’Uburasirazuba.

Uyu mutegarugori afite impamyabumenyi y’icyiciro cya gatatu cya kaminuza mu bijyanye n’Uburinganire n’Iterambere (Master of Arts in social sciences, with a focus on gender and development).

Mu 2005 kugeza mu 2009, Gasinzigwa yakoraga muri Komisiyo y’Igihugu y’Ubumwe n’Ubwiyunge. Yigeze kuba Umunyamabanga Nshingwabikorwa w’Inama y’Igihugu y’Abagore. Ndetse yabaye Minisitiri w’Uburinganire n’Iterambere ry’Abagore, umwanya yavanweho muri Werurwe.

Ku wa Gatatu nibwo yatowe n’Inteko Ishinga Amategeko y’u Rwanda ku majwi 71 muri 74 y’abasenateri n’abadepite batoye.

Naho Umurundi, Jean Marie Muhirwa barahiranye yasimbuye depite Hafsa Mossi wishwe n’abataramenyekana ku wa 13 Nyakanga 2016.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE