Advertisement
 
 
 
 
 
 
 
 

Politiki | Mu Rwanda

Nyuma ya Brexit, u Rwanda rwiteguye gukorana neza n’u Bwongereza   

  Yanditswe na IMVAHO NSHYA
 July 2016

 
 

Nyuma y’uko u Bwongereza bwivanye mu muryango w’Ibihugu by’u Burayi, Minisitiri w’Intebe, David Cameron, akegura agasimburwa na Theresa May, u Rwanda rwatangaje ko rwiteguye kugirana umubano mwiza n’ubuyobozi bushya bw’icyo gihugu.

Minisitiri w’Ububanyi n’Amahanga akaba n’Umuvugizi wa Guverinoma y’u Rwanda, Louise Mushikiwabo yabivugiye mu kiganiro n’abanyamakuru ku wa Kane ku ya 14 Nyakanga 2016, aho yasobanuraga iby’Inama ya 27 y’Umuryango w’Ubumwe bwa Afurika iri kubera I Kigali.

Yagize ati” Dukorana na buri wese cyane cyane mu bubanyi n’Amahanga. Tugomba gukorera hamwe ni nayo mpamvu nta kibazo duterwa n’ibiri kubera mu Bwongereza.”

JPEG - 177.9 kb
Louise Mushikiwabo mu kiganiro n’itangazamakuru

Mushikiwabo yagaragaje ko u Rwanda rwishimiye, kugirana umubano na guverinoma y’u Bwongereza, iyobowe n’umugore bwa mbere nyuma y’imyaka 26.

Ati”Dufitanye umubano mwiza cyane n’u Bwongereza nubwo harimo utubazo duto nk’uko byaba no ku bindi bihugu ariko twishimiye gukorana na guverinoma nshya.”

Yongeyeho ko u Rwanda rutitaye ku kuba guverinoma y’u Bwongereza yahindutse dore ko “u Rwanda rutivanga mu bintu bya za guverinoma n’ubuyobozi bw’ibihugu ahubwo ruba rwiteguye gukorana n’umuyobozi uwo ari we wese igihugu cyashyizeho.”

Minisitiri Cameron, wari ushyigikiye ko u Bwongereza butava muri EU, yeguye nyuma y’uko ibyifuzo bye biburijwemo muri kamarampaka (Brexit). Muri iki cyumweru nibwo yasimbuwe na Theresa May wahise ashyiraho guverinoma nshya.

Amaze kubihererwa uburenganzira n’umwamikazi Elisabeth II, May yahise ashyiraho abaminisitiri batandatu bashya barimo Boris Johnson, washyigikiye bikomeye ko icyo gihugu kiva muri EU.

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.