Advertisement
 
 
 
 
 
 
 
 

Politiki | Mu Rwanda

Ntidukeneye abantu bo kuduhitiramo aho tugana –Perezida Kagame   

  Yanditswe na IMVAHO NSHYA
 July 2016

 
 

Perezida w’u Rwanda Paul Kagame yifatanyije n’abaturage bo mu murenge wa Rweru mu karere ka Bugesera mu kwizihiza umunsi mukuru wo Kwibohora wabaye ku nshuro ya 22 kuri uyu wa 4 Nyakanga 2016.

Mu ijambo yageneye Abanyarwanda kuri uyu munsi, yavuze ko Kwibohora bijyana n’icyerekezo cy’uko Abanyarwanda bashaka kubaho, ariko ko buri gihe hari benshi bashishikajwe no gushaka kubahitiramo uko bakwiye kumera.

Ati”Mpora mbibutsa iteka ko ntawe ukwiriye kuba aduhitiramo aho dushaka kugana n’abo dushaka kubabo. Buri munsi ariko muzahura n’abantu bashaka kubagenera no kubasubiriramo aho bashaka ko mugana.”

JPEG - 96.9 kb
Perezida Kagame na Madamu Jeannette Kagame berekwa ibikorwa biri mu mudugudu w’icyitegrerezo wa Rweru

Yakomeje agira ati” Abanyarwanda mujye muhora mubaza abo bantu muti”Umpitiramo ute aho ushaka ko ngana?” Aho nshaka kugana njyewe umuntu yahampitiramo ate? Ubu Abanyarwanda twaraparangatanye ku buryo tutakimenya aho tugana? “ […] Abanyarwanda, Abanyafurika dukwiye kwihitiramo inzira tuganamo, inzira itubereye, iduha ubuzima bwiza. Kwibohora ni ukumenya icyo ushaka, ukamenya ngo uragana he.”

Urugamba rwo Kwibohora rukomereje mu kwigobotora imibereho mibi

Umukuru w’Igihugu yavuze ko urugamba rwo Kwibohora rutari rwarangira kuko nubwo urugamba rw’amasasu n’izindi ntwaro rwarangiye, kuri ubu ngo u Rwanda rushishikajwe cyane no guha abaturage bose ibyo bifuza.

Ati”Usibye urugamba rw’amasasu n’izindi ntwaro, byari bihanganye n’abari bashyigikiye gukorera Abanyarwanda ibibi, ibyo bikaba byararangiye, ubu icyo tuba twibuka cyane cyane ni ukuntu intambwe zo Kwibohora zigenda zikurikirana ziganisha ku byifuzo by’abanyagihugu.”

Perezida Kagame yagarutse ku bikorwa byo kwimura abaturage b’ibirwa bya Mazane na Sharita. Mu buhamya bw’umwe muri bo witwa Nyiraminani Helevania yavuze ko babonye inzu bubakiwe n’ibikorwa remezo biri mu mudugudu w’icyitegererezo wa Rweru bimuriwemo bakagira ngo barabonekewe.

Umukuru w’igihugu asanga nta muturage ukwiye gufata imibereho myiza nk’inzozi cyangwa igitangaza kuko ubundi buri muturage wese aba akwiye kubaho neza.

Ati”Yavuze ngo ibikorwa byabagejejweho babifashe nk’aho babonekewe, ariko nyamara ubundi kuriya niko abantu bakwiriye kuba babaho. Kugera ku rwego abantu bakwiriye kuba babaho wowe ukabifata nko kuba ugeze muri paradizo murumva ko haba hari ibyo yabuze.”

Yasobanuye ko kuri ubu u Rwanda iri mu rugamba rwo kubeshaho neza abaturage bose, kandi ko ruzarangira ariko buri munyarwanda yumva ko kubaho neza atari igitangaza.

Yagize ati” Abanyarwanda babona ibyangombwa ubundi bigize ubuzima bwabo bakumva ko babonekewe turashaka ko bagabanuka … ntabwo ari igitangaza kugira amazi meza yo kunywa, ntabwo ari igitangaza kugira inzu uraramo ntunyagirwe…”

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.