Advertisement
 
 
 
 
 
 
 
 

Politiki | Mu Rwanda

Nta muntu ushobora gufatira Perezida Bashir mu Rwanda - Mushikiwabo   

  Yanditswe na IMVAHO NSHYA
 July 2016

 
 

Minisitiri w’ububanyi n’amahanga Louise Mushikiwabo yasobanuye impamvu u Rwanda rutazata muri yombi, Perezida wa Sudani, Omar Bashir ushakishwa n’urukiko mpuzamahanga mpanabyaha, ICC akaba ari mu Rwanda mu nama ya 27 y’Umuryango w’Ubumwe bwa Afurika, AU.

Mu kiganiro n’abanyamakuru cyabaye mu gitondo cyo kuri uyu wa 14 Nyakanga 2016, ku bibazo bitandukanye birebana n’iyi nama, Minisitiri Mushikiwabo yasobanuye ko Bashir ari umukuru w’igihugu cya Afurika kiri muri AU, akaba agomba gufatwa kimwe n’abandi igihe ari mu Rwanda.

Ati “U Rwanda, nk’igihugu kigize AU twubahiriza ibyemezo byose bifatwa nayo. Uyu muryango wacu wasabye akanama gashinzwe umutekano k’Umuryango w’Abibumbye ko abakuru b’ibihugu igihe bari mu kazi batorewe n’abaturage babo, bafite ibyaha baregwa, bagomba guhabwa ubudahangarwa kugeza igihe baviriye mu mirimo.”

JPEG - 168.9 kb
Minisitiri Mushikiwabo mu kiganiro n’Abanyamakuru

Yongeyeho ati” U Rwanda rero mbere yo kubahiriza ibyemezo by’Urukiko tudafite aho duhuriye, kuko twebwe ntabwo turwemera ntabwo turi abanyamuryango barwo, turubahiriza amabwiriza y’abakuru b’ibihugu bya Africa.”

Minisitiri Mushikiwabo yasobanuye kandi ko u Rwanda rutashyize umukono ku masezerano agenga ICC, bityo rukaba rudategetswe kubahirizwa ibyo isaba, birimo no guta muri yombi Bashir.
Yagarutse ku nyungu za politiki ziri mu gushyiraho urukiko nka ICC, avuga ko rwibasira abanyafurika gusa.

Ati”Nta muyobozi wa Afurika wavuze ko abayobozi badakwiye guhanwa, ntabwo Africa ishyigikiye ibyaha nk’ibyo, ariko iyo ubucamanza butangiye kuvangamo politiki nyinshi bidusaba guhagarara tukabitandukanya… Urwo rukiko rero duhindure izina rwitwe Urukiko mpuzamahanga mpanabyaha by’Abanyafurika cyangwa se rube mpuzamahanga kuko twese imbere y’ubutabera tugomba kureshya.”

Minisitiri Mushikiwabo yongeyeho ICC itabuze amikoro yo guta muri yombi Perezida Bashir ku buryo igomba gutegereza kumufatira mu Rwanda, aho yaje nk’umushyitsi wa AU.

Ati”Nta muntu ushobora kumufatira hano i Kigali.”

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.