2017-07-21 15:15:02 clouds 27o High | Kigali Rwanda

Dukurikire:
 
 

Njye biranshimisha kuba tuzi ikizava mu matora –Perezida Kagame

Yanditswe na IMVAHO NSHYA

Kuya 2017-07-14 10:30:04

 
Share on:
 
Yasuwe:572
 
Yavuzweho:200
 
10
 
10

Ubwo yiyamamazaga mu karere ka Ruhango, kuri uyu wa 14 Nyakanga 2017, umukandida w’umuryango FPR Inkotanyi akaba na Perezida wa Repubulika y’u Rwanda, Paul Kagame, yikomye abakomeje gutesha agaciro amatora agiye kuba, bavuga ko ikizavamo bamaze kukimenya.

Perezida Kagame yatangiye ijambo rye ashimira FPR n’abayoboke bayo kubera byinshi byakozwe.

Ati "FPR yazanye ubumwe, Abanyarwanda baba umwe bahurira ku kuba Abanyarwanda no kubaka u Rwanda, ndashimira RPF ikizere yigirira kandi yakomeje kungirira. Niyo mpamvu mpagaze hano kugira ngo nongere ku bitari ibanga ko ndi umukandida wa FPR."

JPEG - 58.2 kb
Perezida Kagame asuhuza abaturage bo mu karere ka Ruhango

Yakomeye avuga ko nubwo Abanyamakuru bitwaza uburenganzira bwabo bakabangamira abo batangazaho inkuru birengagije ko nabo bafite uburenganzira bwabo.

Ati “Niba mukurikira amakuru neza hirya ngo hino, abanyamakuru bagira uburenganzira, baranabukwiye, ariko nagira ngo mbabwire ko atari bo bonyine bakwiriye uburenganzira n’abandi babufite.

N’abo bandika, n’abo bavuga, uko babavuga kose nabo bafite uburenganzira. Barandika bakavuga ngo aya matora y’u Rwanda nta matora arimo kuko tuzi ikizavamo, ariko njye rwose biranshimisha kuba tuzi ikizavamo ahubwo.”

Yunzemo ati "Ikizavamo uwajya aha akabeshya ngo ntakizi, …. bakavuga ngo uko kwirengagiza niyo politiki nziza, niyo demokarasi, baba babeshya. Reka nkubwire impamvu, ikizavamo cyamenyekanye mu kwezi kwa cumi n’abiri mu 2015. Buriya hajya kuba impamvu ya referandumu, ikaba, ibintu byasabwe na miliyoni enye z’abantu bazatora, bigatorwa n’abantu hafi 100% ubwo se murumva ikizava mu matora ari iki?

Yongeyeho ko uretse referandumu hari n’andi mashyaka umunani yashishoje agahitamo gufatanya na FPR. Perezida Kagame yijeje abaturage bo mu Ruhango ko bazafatanya kubaka igihugu bakagera kuri byinshi birenze ibyo bagezeho.

Ati “Kuza hano ni ukubabaza ngo ya nzira yaciye muri referandumu niko ikimeze? Niba ari ko bimeze murumva, amatora yo yararangiye.”

Umukandida wa RPF, Paul Kagame yahishuye ko hari n’abahisemo abakandida bazabahagararira mu matora ngo bamurwanye, ariko bakibagirwa ko atari bo batari mu bazatora.

Yagize ati "Bakabaza bati ’Ese Kagame ni umukiza? Ni umunyagitugu?’ Bakarangiza bavuga ko Kagame ari umunyagitugu, niba abakoze referandumu barayikoreshejwe ku gitugu, bene icyo cyaha ndacyemeye. Ariko icyo bibeshyaho ni uko bo badatora. Barabigerageje batoranya abakandida, bashaka mu banyarwanda uwo bashyira imbere ariko bibagirwa ko badatora. Babashyira imbere hariya bamara kubona nta babashyigikiye nabo bakabata bakigendera."

Perezida Kagame yasabye abaturage b’akarere ka Ruhango ko yishimiye gutangirana abo gahunda yo kwiyamamaza, abizeza ko ibikorwa by’iterambere bagezeho mu myaka irindwi ishize biziyongera ndetse n’imibereho yabo ikarushaho kuba myiza.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE