Advertisement
 
 
 
 
 
 
 
 

Politiki | Mu Rwanda

Ni kuki ibihugu bikomeye bitesha agaciro iterambere ry’u Rwanda?   

  Yanditswe na RICHARD MINITER
 1 month ago

 
 

U Rwanda ni kimwe mu bihugu bito ku Isi ariko rufite akarusho k’amateka yarwo atangaje. Niyo mpamvu rutameranye neza n’u Burayi ntirunahabwe agaciro kanini muri Leta Zunze Ubumwe za Amerika.

Izina ry’iki gihugu rizahora rifite ihuriro na Jenoside yakorewe Abatutsi mu 1994 igahitana ababarirwa muri miliyoni.

Umugabo wahagaritse ubwo bwicanyi ni Paul Kagame wari uyoboye ingabo zizwi ku izina rya RPF. Niwe waje kuba perezida naho ingabo yari ayoboye zihinduka ishyaka riri ku butegetsi.

Ibintu byahise bihinduka mu buryo benshi batakekaga. Benshi mu banyamakuru berekanaga u Rwanda nk’igihugu cyuzuye imirambo itarashyingurwa. Hari abari bazi ko u Rwanda rugiye kuba ikindi ikimenyetso cy’amateka mabi akomeje kuranga Afurika, y’imitwe yitwaje intwaro, za kudeta n’ubuyobozi bw’ishyaka rimwe.

Uretse ko atari uko byaje kugenda:

Kagame yatangije politiki yo kutihorera ndetse ingabo ze ntizijandika mu bwicanyi nk’uko hari abari babyiteze. Guverinoma yavuguruye amategeko amabwiriza na gahunda z’iterambere.

Perezida Kagame yarwanyije ruswa ahindura u Rwanda igihugu kiri muri bitanu bikorera mu mucyo muri 47 bigize Afurika yo munsi y’Ubutayu bwa Sahara nk’uko Transparency International ibitangaza.

Hagati ya 2001 na 2014 ubukungu bw’igihugu bwateye imbere ku kigero cya 9%. Buri gihe u Rwanda ruza imbere y’ibindi ku mugabane mu korohereza abanyamahanga gushora imari no gutangiza ubucuruzi.

JPEG - 285.5 kb
Uko u Rwanda rutera imbere ni nako rwibasirwa n’ibihugu bikomeye

Impunzi zaratahutse ndetse n’abandi Banyafurika b’abimukira bari kuyoboka icyo gihugu ku bwinshi baza gushaka umugati. Aho kubakumira, mu minsi ishize u Rwanda rwavaniyeho viza z’akazi abaturage ba Kenya na Uganda kuko isanga abanyamahanga bongerera igihugu imbaraga.

Kuri ubu u Rwanda rugereranywa n’ikindi gihugu cyateye imbere nyamara ari gito kandi kidakora ku nyanja, benshi bati “ni u Busuwisi bwa Afurika”.

Izamuka ry’ubukungu ryaratunguranye kuko 90% by’abaturarwanda ari abahinzi, ibicuruzwa byoherezwa mu mahanga bikaba ikawa n’icyayi naho amafaranga menshi yinjira mu bukerarugendo ashingiye ku ngagi.

Nyamara iki gihugu kiracyafite ibikibangamira. Imiryango Iharanira Uburenganzira bwa muntu ikomeza kotsa igitutu Leta y’u Rwanda ngo ipfuka umunwa itangazamakuru n’abatavuga rumwe na leta.

Gusa muri ibyo binyoma byose ukuri guhari ni uku: Mu Rwanda hari ibinyamakuru byigenga bidacungwa na guverinoma ndetse n’amashyaka atavuga rumwe na Leta yemewe n’amategeko, ni ibintu biri hake mu buyobozi bw’ibihugu bya Afurika.

Nko muri Repubulika Iharanira Demokarasi ya Congo, hari impaka ku kuba Perezida Kabila yakwiyamamariza manda ya gatatu, mu gihe mu Rwanda imbaga y’abaturage yatoye referandumu yo guhindura itegeko nshinga perezida Kagame akayobora indi manda.

Ubuyobozi bwe bwaranzwe n’amahoro mu moko yose n’iterambere ry’ubukungu. Nubwo ari byiza kugira inzego zikomeye kurusha abantu bakomeye, rimwe na rimwe hakenerwa abantu bakomeye bo gushinga bene izo nzego.

Ibi bituganisha ku Bufaransa bukunda kwibasira u Rwanda. Mu gihe abayobozi b’u Bufaransa batazitirwa na manda ndetse n’umuyobozi w’u Budage kuri ubu uri kuyobora manda ya gatatu, ngo barashaka kuzitira Abanyarwanda mu iterambere babashyiraho umutwaro wa za manda.

U Bufaransa burwanya Perezida Kagame kuko ku ruhande rumwe budashobora kumukoresha ibyo bushaka naho ku rundi ruhande nawe agakomeza kubwibutsa uruhare bwagize muri Jenoside yakorewe Abatutsi mu 1994.

Umwanditsi ni umushakashatsi kuri Politiki Mpuzamahanga n’Umutekano w’Ibihugu.
Gusoma inkuru y’umwimerere kuri Forbes KANDA HANO

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.