Advertisement
 
 
 
 
 
 
 
 

Politiki | Mu Rwanda

Ndamutse nashatse gutera u Burundi sinakoresha impunzi –Minisitiri Mushikiwabo   

  Yanditswe na IMVAHO NSHYA
 June 2016

 
 

Minisitiri w’Ububanyi n’Amahanga akaba n’Umuvugizi wa Guverinoma y’u Rwanda, Louise Mushikiwabo ntiyemeranya n’Impuguke za Loni ziherutse kuvuga ko u Rwanda rutoranya impunzi zo guhirika ubutegetsi mu Burundi, akemeza ko aramutse ari we ku giti cye atakoresha impunzi hari igisirikare.

Mu kiganiro Upfront n’umunyamakuru wa televiziyo Aljazeera, Minisitiri Mushikiwabo yagarutse kuri bimwe na bimwe amahanga ashinja u Rwanda kandi bidafite ishingiro.

Avuga ku kuba u Rwanda rushinjwa kwihisha inyuma y’imvururu ziri mu Burundi, Mushikiwabo yavuze ko byose byakomotse ku mahitamo mabi ya Perezida Nkurunziza, none akaba yarongeye guhitamo nabi aharabika u Rwanda kandi rucumbikiye abaturage be yateye kubaho mu buhunzi.

Ati” Iyo abantu bahisemo nabi bagomba kwirengera ingaruka.”

JPEG - 82.9 kb
U Rwanda ruhakana gutoza impunzi z’abarundi igisirikare

Yasobanuye ko u Rwanda nta nyungu n’imwe rwakura mu mvururu ziri mu Burundi, ndetse anumvikanisha ko igihugu kitahitamo gukoresha impunzi kandi gifite igisirikare.

Ati” Njye ndamutse nshaka guhirika ubutegetsi nakoresha ingabo zanjye. Sinajya gutoranya abana mu nkambi z’impunzi.”

Imvururu zatangiye mu Burundi kuva muri Mata 2015 ubwo perezida Nkurunziza yashakaga kwiyamamariza manda ya gatatu, akanayitsindira muri Nyakanga mu matora ataravuzweho rumwe.

Ababarirwa muri 500 bamaze guhitanwa n’imvururu n’ubwicanyi naho abandi basaga ibihumbi 250 000 bahungiye mu bihugu bituranye n’u Burundi birimo n’u Rwanda.

Leta y’u Burundi yakunze gushinja u Rwanda kugira uruhare mu mvururu za politiki ndetse Abanyarwanda benshi barirukanwa abandi barafungwa barimo na Jacques Bihozagara wahoze ari Minisitiri w’u Rwanda waguye muri gereza.

U Rwanda ntirwahemye kugaragaza ko ibi birego bidafite ishingiro ahubwo ko bifite izingiro mu marangamutima n’inyungu za politiki.

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.