Advertisement
 
 
 
 
 
 
 
 

Politiki | Mu Rwanda

Mucyo yari umuyobozi utiremereza, natwe ntitukiremereze – Perezida Kagame   

  Yanditswe na IMVAHO NSHYA
 1 month ago

 
 

Perezida Kagame yifatanyije n’umuryango ndetse n’inteko ishinga amategeko y’u Rwanda umutwe wa Sena mu kababaro ko kubura Senateri Jean de Dieu Mucyo.

Ubwo yakiraga indahiro z’abagize guverinoma kuri uyu wa 6 Ukwakira 2016, Umukuru w’igihugu yavuze ko azi Mucyo nk’umuyobozi utariremerezaga asaba n’abandi bayobozi bose bo mu Rwanda kumwigiraho kutiremereza.

Ati” Nifatanyije n’abagize Umutwe wa Sena kuri Senateri Jean de Dieu Mucyo duherutse gutakaza. Nyakwigendera Mucyo yari umuyobozi mwiza, utariremerezaga. Tuzahora tumwigiraho gukora akazi neza tutiremereje.”

JPEG - 32.5 kb
Nyakwigendera Jean de Dieu Mucyo

Senateri Jean de Dieu Mucyo yigeze kuba Minisitiri w’Ubutabera n’Umunyamabanga Nshingwabikorwa wa Komisiyo y’Igihugu yo kurwanya Jenoside, CNLG, yitabye Imana ku wa Mbere azize urupfu rutunguranye.

Mucyo Jean de Dieu, yavutse taliki 07/12/1961; mu karere ka Nyanza , ni mwene Mucyowintore Thomas na Uzanyamaberuka Marciana, yize mu ishami ry’amategeko muri Kaminuza Nkuru y’u Rwanda mu 1985 arangiza mu 1990
Mu 1991 yakoze muri UNICEF ahava ashingwa imari n’ubutegetsi mu cyitwaga EMUJECO.

Muri Jenoside yakorewe Abatutsi mu 1994 yarokokeye muri Hotel des Milles Collines. Nyuma yaho yinjiye mu gisirikare, aza gukora muri Minisiteri y’Ingabo, MINADEF, ashinzwe iby’amategeko n’ubutegetsi.

Mu mpera ya za 1990 yakoze imirimo itandukanye muri Minisiteri y’Ubutabera, biza kurangira agizwe minisitiri wayo mu 1999.

Yahavuye aba umushinjacyaha mukuru wa Repubulika, muri 2007 yayoboye Komisiyo ku ruhare rw’Abafaransa muri Jenoside, uwo murimo urangiye ayobora CNLG.

 

Comments

  • Bucyensenge celestin 6 October

    Imana imwakire mubayo, natwe dusigaye tuzamwigireho byinshi byiza, kuko twabuze umuntu wingirakamaro.


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.