2017-10-20 08:47:26 clouds 27o High | Kigali Rwanda

Dukurikire:
 
 

Mu ntara n’Umujyi wa Kigali abanyamuryango ba FPR bemeje 100% Paul Kagame nk’umukandida

Yanditswe na IMVAHO NSHYA

Kuya 2017-06-12 08:50:13

 
Share on:
 
Yasuwe:175
 
Yavuzweho:200
 
10
 
10

Inteko rusange y’abanyamuryango ba FPR-Inkotanyi ku rwego rw’intara n’Umujyi wa Kigali yemeje Paul Kagame ngo ababere umukandida ku mwanya wa Perezida wa Repubulika mu matora ateganyijwe ku wa 4 Kanama 2017.

Mu mujyi wa Kigali hatoye abagera ku 2434 bose bemeza ko bahisemo Paul Kagame bitewe n’aho yakuye igihugu none akaba yaragiteje imbere ku buryo bugaragara.

Kabahizi Jonas ni umunyamuryango wa FPR-Inkotanyi utuye mu murenge wa Kanyinya, asanga gutora Perezida Paul Kagame bivuze kongera kugumana amahirwe y’umutekano n’iterambere.

Ati “Dufite Umutekano umeze neza, ariko kugumana Kagame bivuze gukomeza kuba mu mutekano, hamwe nawe turatekanye.”

JPEG - 126.8 kb
Bamwe mu banyamuryango ba FPR Inkotanyi bari bitabiriye igikorwa cy’amatora mu mujyi wa Kigali(Foto Gatete J. B)

Depite Mukazibera Agnes, wari uhagarariye FPR-Inkotanyi muri ayo matora yavuze ko gutora Paul Kagame ari ikimenyetso cy’uko abanyamuryango ba FPR bazi kwihitiramo umukandida ubereye u Rwanda.

Ati ”Murabyerekanye, turabyerekanye ubu bwitabire ni ikimenyetso cy’umuco dusanganywe uturanga unagomba gukomeza kuturanga, Nyakubahwa Paul Kagame nkuko twamushyigikiye tugomba kubikomeza, […] nk’Abanyamuryango tugomba guhora turi ku isonga mu gukemura ibibazo by’abaturage.”

Uretse mu mujyi wa Kigali, mu Ntara y’Uburasirazuba n’iy’Uburengerazuba naho abanyamuryango ba FPR-Inkotanyi batoye 100% Perezida Paul Kagame nk’umukandida wabo mu matora yabaye ku wa Gatandatu ku ya 10 Kamena 2017.

Mu ntara y’Amajyepfo n’Amajyaruguru amatora yabaye ejo hashize ku ya 11 Kamena 2017, hose batora Paul Kgame 100%.

Umunyamakuru w’Imvaho Nshya yakurikiranye amatora yabereye mu karere ka Musanze mu ntara y’Amajyaruguru aho abanyamuryango ba FPR 383 bangana na 94% bose batoye Paul Kagame.

Sembagare Samuel , ni umwe mu banyamuryango ba FPR Inkotanyi mu ntara y’Amajyaruguru avuga ko yatoye Paul Kagame kubera ubunararibonye amuziho.

Ati “Ni we wimakaje gahunda y’ubumwe bw’abenegihugu, ibikorwa by’iterambere byageze kuri buri wese, buri mwana wese yiga hashingiye k’ubushobozi bwe nta ringaniza, imihanda yashyizwemo kaburimbo , amatara yageze hose iyo bigwa, amazi meza kuri twese, ikindi kandi rero buriya twebwe abaturiye amajyaruguru.”

Yunzemo ati “Dufitanye na Kagame igihango gikomeye, kuko rwose nyuma ya Jenoside yakorewe abatutsi twari tuzi ko na twe umucengezi agiye kuturimbura, ariko mu gihe gito , Kagame yamukuibise inshuro umucengezi kuri ubu yabaye amateka rwose yaduhaye umutekano kandi murabizi ni wo shingirory’iterambere, tuzakomeza kandi ibikorwa byo kumwamamaza kugera atowe”.

JPEG - 205.9 kb
Abanyamuryango ba FPR mu ntara y’Amajyaruguru bishimira intsinzi y’umukandida wabo

Umuyobozi wa FPR inkotanyi mu ntara y’Amajyaruguru, akaba n’umukuru w’iyi ntara Musabyimana Jean Claude, yasabye abanyarwanda bose muri rusange kuzatora uwo babona azashobora kubaka igihugu.

Ati “Icyo nasaba abanyamuryango ba FPR n’abaturage muri rusange ni uguhitamo koko bazi neza ko bagamije kuibaka igihugu cyabo no kugiterza imbere, kandi urugero rw’umuyibozi mwiza barufite mu biganza byabo no mu mado habo bashingiye aho u Rwanda rumaze kugera mu iterambere no kumenyekana ku isi yose”.

GATETE JEAN BOSCO & NGABOYABAHIZI PROTAIS

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE