2017-07-20 15:19:18 clouds 27o High | Kigali Rwanda

Dukurikire:
 
 

Mozambique: Perezida Kagame yasobanuye imvano y’iterambere ry’u Rwanda

Yanditswe na IMVAHO NSHYA

Kuya 2016-10-25 11:54:27

 
Share on:
 
Yasuwe:8
 
Yavuzweho:200
 
10
 
10

Perezida Kagame yaganirije impuguke n’abashoramari bo muri Mozambique ababwira ibanga ryatumye u Rwanda rutera imbere nyuma ya Jenoside yakorewe Abatutsi mu 1994.

Mu kiganiro cyabaye umukuru w’igihugu avuye kunamira intwari z’icyo gihugu, mu gitondo cyo kuri uyu wa 25 Ukwakira 2016, yababwiye ko u Rwanda na Mozambique bihuriye ku kwiyemeza kubaka ahazaza heza h’abaturage babyo.

Perezida Kagame yavuze ko nyuma y’akaga ka Jenoside benshi bumvaga ko bidashoboka ko igihugu cyakongera kubyutsa umutwe.

Ati ariko “ Twishatsemo ibisubizo none kuri ubu dukomeje gutera imbere, tuzi ko tutaragera aho dushaka kandi ko ibyo twagezeho bikwiye kubungabungwa.”

Yongeyeho ko ubuyobozi bw’u Rwanda bwasanze bugomba kugendera ku byo Abanyarwanda bakeneye nubwo hari benshi batabyifuzaga barimo abaterankunga n’abanyemari b’ibikomerezwa.

Perezida yavuze ko igihugu cyatangiriye ku tuntu duto benshi babona ntacyo bizatanga.

Ati “None kuri ubu tumaze kubona n’ibirushijeho, abatubwiraga ngo twe kubaka cyangwa gushora imari nibo bari kuzuza imyanya bakoresha serivisi zacu.”

Yagize n’icyo avuga ku bwiyunge bw’abanyarwanda, asobanura ko bwagombaga gushingira ku gutanga ubutabera butabogamye n’ibiganiro.

Perezida Kagame kandi yemeza ko u Rwanda ruha rugari umuntu wese ushyira imbere ubumwe.

Ati kandi “Ni ngombwa ko Abanyarwanda bose bashyira imbere inyungu rusange n’amateka bahuriyeho. Bakibaza bati “Ese mbere ya byose turi Abanyarwanda? Cyangwa ikindi kintu?”

Yagarutse ku kuba abayobozi bagomba gukorera mu nyungu z’abaturage, bitaba ibyo bagahanwa. Ibyo bikajyana no kuba buri muturage agomba gukorana umurava kugira ngo impano z’amahanga zidakomeza gufata runini mu buzima bw’igihugu.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE