2017-06-28 15:02:12 clouds 27o High | Kigali Rwanda

Dukurikire:
 
 

Minisitiri w’Intebe wa Ethiopia yashimye uburyo imidugudu n’amaterasi byahinduye imibereho

Yanditswe na IMVAHO NSHYA

Kuya 2017-04-28 11:33:09

 
Share on:
 
Yasuwe:460
 
Yavuzweho:200
 
10
 
10

Minisitiri w’Intebe wa Ethiopia Hailemariam Desalegn, hamwe n’intumwa ayoboye basuye ibikorwa bitandukanye by’iterambere, bashima uburyo gahunda z’imiturire yo mu midugudu n’amaterasi zahinduye ubuzima bw’Abanyarwanda.

Ibikorwa basuye ejo hashize birimo imidugudu y’icyitegererezo ya Ntebe na Kitazigurwa igizwe n’inzu zisaga 200 zubakiwe bamwe mu bagore batishoboye mu karere ka Rwamagana mu Ntara y’Uburasirazuba.

Minisitiri Kaboneka Francis umwe mu bayobozi bari baherekeje Minisitiri w’Intebe wa Ethiopia yavuze ko bashaka ko abayobozi b’icyo gihugu bigira ku Rwanda, bakazajya gutangiza gahunda y’imidugudu y’icyitegererezo iwabo.

JPEG - 153.5 kb
Minisitiri Hailemariam yasobanuriwe uburyo amaterasi yazamuye umusaruro w’ubuhinzi

Minisitiri Desalegn, yatambagijwe inyubako zigize iyo midugudu zigezweho, zifite ibyangombwa byose by’ibanze birimo amazi meza, amashyanyarazi ndetse n’amavuriro yegereye abaturage.

Yanashimye kandi ibikorwa by’ubukorikori n’ibindi bibyara inyungu by’abari n’abategarugori batuye muri iyo midugudu.

Uyu munsi Hailemariam Desalegn yasuye amaterasi y’indinganire mu murenge wa Kageyo mu karere ka Gicumbi .

Minisitiri w’Ubuhinzi, Mukeshimana Gerardine yamusobanuriye uburyo amaterasi yongera umusaruro kubera gufata ubutaka akarinda isuri.

Yatanze urugero ku materasi yo mu murenge wa Kageyo amaze imyaka itatu gusa akozwe none ubu umusaruro wavaga muri iyo mirima ukaba warikubye gatanu.

Biteganyijwe ko uyu munsi Minisitiri Haileramariam na Perezida Kagame barafungura ambasade ya Ethiopia mu Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE