2017-08-23 07:41:18 clouds 27o High | Kigali Rwanda

Dukurikire:
 
 

Minisitiri w’Intebe aributsa Abanyarwanda ko bafite inshingano yo Kwibuka Jenoside

Yanditswe na IMVAHO NSHYA

Kuya 2017-03-26 08:10:14

 
Share on:
 
Yasuwe:105
 
Yavuzweho:200
 
10
 
10

Minisitiri w’Intebe, Murekezi Anastase Murekezi yibukije abaturage ko kwibuka Jenoside yakorewe Abatutsi mu 1994 ari inshingano ya buri wese, bityo abasaba gushyira ingufu mu kurwanya abagihembera ingengabitekerezo ya Jenoside.

Ubu butumwa yabutangiye mu Murenge wa Jari mu Karere ka Gasabo mu mujyi wa Kigali ejo hashize tariki ya 25 Werurwe 2017, ubwo yifatanyaga n’abaturage bo mirenge ya Gatsata, Jari na Jabana, mu gikorwa cy’umuganda ngarukakwezi.

Muri uwo muganda hasimbuwe imirwanyasuri, hacukurwa indi mishya ku musozi wa Jali izafasha mu bikorwa byo kurwanya isuri iterwa n’amazi menshi aturuka kuri uwo musozi ikangiza imyaka y’abaturage n’ibindi bikorwaremezo.

Yagize ati “Kwibuka ni umwanya wo kwibukiranya amateka y’imiyoborere mibi yaranze igihugu kugeza ubwo ubuyobozi bubi bwariho mu 1994 bwateguye kandi bukanashyigikira Jenoside yakorewe Abatutsi, tutibagiwe gushimira ingabo zari iza FPR-Inkotanyi zahagaritse Jenoside amahanga yose arebera no kuzirikana abo Jenoside yagizeho ingaruka”.

JPEG - 153.5 kb
Minisitiri w’Intebe Murekezi Anastase ubwo yifatanyaga n’abaturage mu gikorwa cy’Umuganda

Yakomeje agira ati “Kwibuka Jenoside yakorewe Abatutsi biradufasha kongera kwiyemeza kurinda no gukomeza kurushaho kubaka ibyiza igihugu cyacu kimaze kugeraho, no kurwanya tudasubira inyuma abagerageza guhakana no gupfobya Jenoside yakorewe Abatutsi.”

Murekezi yanavuze ko gutera ibiti no gufata neza amashyamba byagombye kuba umuco w’Abanyarwanda, kuko bitanga umwuka mwiza, bikagira n’uruhare runini mu kurwanya no gukumira isuri.

Umuyobozi w’akarere ka Gasabo Rwamurangwa Steven n’Umunyamabaganga Nshingwabikorwa w’Umurenge wa Jari, Mapambano Nyiridandi, basabye Minisitiri w’Intebe ko mu murenge ayobora hashyirwa umuhanda wa kaburimbo, cyane ko hamaze kugera ibikorwaremezo byakomeza gufasha abaturage guhahirana.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE