2017-10-18 07:01:40 clouds 27o High | Kigali Rwanda

Dukurikire:
 
 

Min. Kaboneka arasaba Abanyarwanda gushishoza mu gusinyira abashaka kwiyamamaza

Yanditswe na IMVAHO NSHYA

Kuya 2017-05-23 11:29:53

 
Share on:
 
Yasuwe:402
 
Yavuzweho:200
 
10
 
10

Minisitiri w’ubutegetsi bw’igihugu Francis Kaboneka, yasabye abanyarwanda kuzarangwa n’ubushishozi mu gusinyira abakandida bifuza kwiyamamaza ku mwanya wa Perezida wa Repubulika, bakazasinyira ibyo basobanukiwe neza.

Mu bisabwa abakandida bashaka kuziyamamariza umwanya wa Perezida wa Repubulika y’u Rwanda, harimo ko umukandida agomba kugira abaturage bamusinyira muri buri karere.

Ubwo Minisitiri w’ubutegetsi bw’igihugu Francis Kaboneka yahuraga n’abayobozi bo mu ntara y’Uburasirazuba kuva ku rwego rw’umudugudu kugeza ku ntara, yagarutse ku matora ateganyijwe muri Kanama muri rusange, asaba ko abaturage barangwa n’ubushishozi, bagakora ibyo basobanukiwe neza.

JPEG - 306.2 kb
Minisitiri w’ubutegetsi bw’igihugu Francis Kaboneka (Foto Manishimwe N)

Yanasabye abayobozi gukangurira abaturage kuyitabira ndetse no kwitabira ibikorwa bibanziriza amatora, nko kwireba kuri lisiti y’itora n’ibindi.

Mu kiganiro yagiranye n’abanyamakuru nyuma y’inama, Minisitiri Kaboneka yagize ati “Icyo nasaba abaturage ni uko hari abakandida bazaza babasaba sinyatire. Icyo nabakangurira ni uko bazibaha, ntihazagire umuntu usinyishwa bamubwira ko bagiye kumushakira inkunga ngo ejo azikange asange bamusinyishije mu nyungu za Politiki atabizi.

Nabanze asobanuze, amenye ngo niba ari inyungu za Politiki, amenye ngo nsinyiye kandida runaka kubera nemera ibitekerezo bye, ejo atazicuza azi ngo ni inkunga agasanga bamukoresheje ibindi. Nasaba Abanyarwanda ko babyitondamo.”

Yakomeje abwira abayobozi bitabiriye iyi nama ati “Aba bakandida bagiye kuza gushaka amasinyatire muzirinde kubahutaza, muzabahe uburenganzira bwabo, ariko mukurikirane ntibazasinyishe abantu bababwira ko bagiye kubaha inkunga.”

Bamwe mu baturage baganiriye n’Imvaho Nshya, bemeza ko bakurikiranira hafi ibikorwa by’amatora, ku buryo ibyo bakora byose baba babisobanukiwe, na cyane ko bamaze kumenya neza akamaro ko gutora neza.

Uwamugira Chantal wo mu murenge wa Kigabiro yagize ati “Amakuru dufite ku matora akenshi tuyakura mu bitangazamakuru, bimwe tubyumva kuri radiyo tukanasoma, ku bandika hari abo twumise ko bashaka kuziyamamariza umwanya wa Perezida wa Repubulika, ubwo nibatugeraho buri wese azamusubiza akurikije uko yumva ibitekerezo bye.”

Uyu muturage kimwe na bagenzi be babwiye Imvaho Nshya ko biteguye gutora neza, kuko iterambere bamaze kugeraho batifuza ko risubira inyuma, ahubwo bifuza ko rikomeza kwiyongera kandi rigasigasirwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE