2017-07-22 13:49:51 clouds 27o High | Kigali Rwanda

Dukurikire:
 
 

Loni: Amb. Gasana yiyamye u Burundi guhoza mu kanwa u Rwanda

Yanditswe na IMVAHO NSHYA

Kuya 2016-03-23 08:45:40

 
Share on:
 
Yasuwe:3
 
Yavuzweho:200
 
10
 
10

Ambasaderi w’u Rwanda muri Loni, Eugene Richard Gasana, yiyamye Minisitiri w’Ububanyi n’Amahanga w’u Burundi, Alain Nyamitwe, wongeye gushinja u Rwanda kuba inyuma y’imvururu ziri mu Burundi.

Mu biganiro by’Akanama k’Umutekano ka Loni byo kuwa Kabiri byari bigamije kurebera hamwe uko umutekano wifashe mu karere k’Ibiyaga Bigari, Alain Nyamitwe , yavuze ko u Burundi budashidikanya ko u Rwanda ruri inyuma y’imvururu zimaze umwaka mu gihugu cye.

Yasobanuriye abagize akanama k’Umutekano ko u Rwanda rushyira mu gisirikare impunzi no kohereza intasi mu Burundi, ibintu icyo gihugu gikunze guhoza mu mvugo.

Mu kumusubiza, Amb. Gasana yiyamye u Burundi, abushinja kwegeka ibibazo byabwo bwite ku Rwanda, yanihanangirije Nyamitwe ngo atazongera gusebya no gusuzugura mu mvugo perezida Kagame.

Ati” Twasabye Umuryango Mpuzamahanga gukorana natwe mu mugambi wo kwimurira izo mpunzi mu kindi gihugu gifite umutekano uhagije. Reka nongereho ko amagambo y’urwango yibasira igihugu cyanje n’ayibasira perezida wanjye atemewe na gato. Ni intwari yacu ntuzongere gutinyuka na rimwe kumufata muri ubwo buryo.”

JPEG - 96.4 kb
Eugene Richard Gasana uhagarariye u Rwanda muri Loni

Muri iyo nama kandi Ambasaderi Samantha Power uhagarariye Leta Zunze Ubumwe za Amerika mu kanama k’Umutekano ka Loni yanenze icyemezo u Rwanda rwafashe cyo guhindura itegeko nshinga, ndetse anashinja u Rwanda guhonyora uburenganzira bwa muntu.

Ambasaderi Eugene Richard Gasana yamusubije ko ntaho byanditse ko u Rwanda rugomba kumva ibintu byose kimwe na USA.

Yagize ati, “ Mbere na mbere ndatekereza kandi ndizera ko Samantha atitiranya izina rye n’inshingano ze. Power ntabubasha afite ku Rwanda. Icyo mvuga kubyo yavuze ni uko tuzi ibibangamiye u Rwanda n’abanyarwanda. Ntimutegetswe kumva ibintu kimwe natwe ariko ushobora kuubaha amahitamo yacu. Natwe hari ibyo dushobora kutemeranya n’igihugu cyawe ariko ntacyo twabikoraho. Turabibarekera.”

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE