Advertisement
 
 
 
 
 
 
 
 

Politiki | Mu Rwanda

Leta y’u Rwanda igiye kuvugurura ’Umuganda’   

  Yanditswe na MUTUNGIREHE SAMUEL
 1 month ago

 
 

Minisiteri y’Ubutegetsi bw’Igihugu (MINALOC) igiye kuvugurura politiki y’itegeko ry’umuganda rusange kugira ngo urusheho kuba igisubizo cy’ibibazo bitandukanye byugarije abaturage .

Iyi minisiteri n’ibigo bya Leta, abikorera, imiryango itagamiye kuri Leta irimo n’amadini bari kugirana ibiganiro bigamije kunoza ingingo zo kuvugurura muri politiki y’umuganda..

Umunyamabanga wa Leta muri MINALOC Munyeshyaka Vincent aganira n’abahagarariye amadini, yavuze ko mu kuvugurura Umuganda bazagendera ku kureba icyo abaturage bakeneye kurusha ibindi.

Ati “Mu kuvugurura umuganda tugomba no kwibanda ku byiciro by’abaturage, tukumva ko umuganda udakorwamo ibikorwa by’amaboko gusa ku buryo twazanamo n’ibindi bikorwa bikemura ibibazo by’abaturage bihari. Nk’abaganga bashobora gutanga umuganda bavura abaturage bafite indwara runaka.”

JPEG - 367.2 kb
Politiki y’umuganda igiye kuvugururwa kugira ngo utange umusaruro kurushaho (Foto James R)

Munyeshyaka yavuze ko amadini yari agifatwa nk’abaturage basanzwe, ntagire uruhare mu gufasha Leta kugena gahunda zibereye abaturage.

Ati “Baratubwira bati ariko mutwita abafatanyabikorwa ariko iyo murimo gukora igenamigambi ry’ibikorwa by’umuganda nta bwo igenamigambi ryacu rizamo. Turagira ngo rero nabo uruhare rwabo rugaragare, agire uruhare mu igenamigambi, bagire ibikorwa bibigaragaza, biyemeza ko bagiye gukora bihuzwe n’ibyateguwe ku nzego z’ibanze za Leta.”

Bamwe mu banyamadini bagarutse ku gaciro umuganda uhabwa mu igenamigambi ry’inzego z’ibanze, basaba ko wakinjizwa ku byo abaturage batangamo ibitekerezo.

Umwe muri bo yagize ati “Kuko hari udusozi tumwe na tumwe usanga nta biti bihari, ugasanga hari ikigunda, ahandi hakeneye iki. Abaturage bagombye kwicara hamwe n’abatekenisiye n’abandi bose bakenewe bakavuga ngo iryo genamigambi rikorwa mu mwaka, igihembwe cyangwa ku kwezi rizakemure iki; bakazagenda basuzuma ibyakozwe ariko bafite aho bahereye.”

Mufti w’u Rwanda Sheih Hitimana Salim yavuze ko mu gutegura ibizakorwa ku muganda, inzego z’ibanze zikwiye kwibuka kugeza ubutumwa mu nzu ziteraniramo abayoboke b’amadini buvuga aho umuganda uzakorerwa n’ibikoresho umuturage azitwaza.

Abanyamadini baboneyeho kunenga abayoboke b’amadini amwe atitabira ibikorwa bya Leta bigendeye ku myemerere yayo yigisha abayoboke bayo kwigomeka kuri gahunda za Leta. Ibi bikajyana n’abirengagiza ko itegeko ry’umuganda rireba abari hagati y’imyaka 18 na 65 y’ubukure.

Mu mwaka ushize umuganda witabiriwe kuri 91% by’abaturage, ibikorwa by’umuganda bigira agaciro ka miliyari 19 z’amafaranga y’u Rwanda.

Nyuma yo kuvugurura politiki y’umuganda hakongerwa n’uruhare rw’abaturage mu byiciro byose, umuganda w’umwaka wa 2016 utegerejweho ibikorwa by’agaciro ka miliyari ziri hagati ya 20 na 21 z’amafaranga y’u Rwanda.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.