Advertisement
 
 
 
 
 
 
 
 

Politiki | Mu Rwanda

Kwibuka 22: Kuba ingengabitekerezo ya Jenoside igenda igabanuka ntibihagije   

  Yanditswe na NOEL KAMBANDA
 7 April

 
 

Tariki 7 Mata 2016, Abanyarwanda ndetse n’inshuti z’u Rwanda baribuka ku nshuro ya 22 inzirakarengane zazize Jenoside yakorewe Abatutsi. Insanganyamatsiko y’uyu mwaka iragira iti “Kwibuka Jenoside yakorewe Abatutsi turwanya ingengabitekerezo ya Jenoside”

Mu Rwanda ingengabitekerezo ya Jenoside igenda igabanuka ariko igomba gushira burundu, aho ikorwa cyane cyane mu magambo n’ibikorwa bikomeretsa abarokotse Jenoside aho usanga basiga amaraso ku mazu yabo mu gihe cyo kwibuka, ndetse bakagira ibikorwa bibi bakora ku nzibutso.

Kuba politiki y’amacakubiri yarigishijwe igihe kirekire abantu bakayivukiramo bakanayikuriramo, biragoye ko yashira mu bantu mu gihe gito; bikaba byarabaye ngombwa ko hashyirwaho itegeko rihana ingengabitekerezo ya Jenoside.

Iryo tegeko riteye rite?

Itegeko no 84/2013 ryo ku wa 11 Nzeli 2013 ryerekeye icyaha cy’ingengabitekerezo ya Jenoside n’ibindi byaha bifitanye isano nayo rigizwe n’ingingo 15 harimo izihana guhakana, gupfobya no guha ishingiro Jenoside, guhisha, kwiba cyangwa kwangiza ibimenyetso bya Jenoside birimo inzibutso ndetse n’ibindi bimenyetso.

Muri make ingengabitekerezo ya Jenoside ni igikorwa gikozwe ku bushake kibereye mu ruhame byaba mu magambo, mu nyandiko, mu mashusho cyangwa ku bundi buryo cyatuma umuntu agaragaraho imitekerereze ishingiye ku moko, idini, ubwenegihugu cyangwa ibara ry’uruhu hagamijwe kwimakaza ikorwa rya Jenoside cyangwa kuyishyigikira.

Igikwiye kumvikana ni uko iri tegeko ritareba gusa Jenoside yakorewe Abatutsi ahubwo Jenoside zose zemewe n’Umuryango w’Abibumbye

Mu myaka 20 ishize ingengabitekerezo ya Jenoside yagabanutse ku buryo bugaragara aho yagabanutse ku rugero rwa 85%. Umwaka ushize habonetse ibikorwa by’ingengabitekerezo ya Jenoside bigera ku 192 mu gihe hari imyaka byageraga ku bihumbi birenga bibiri.

Kuba iri tegeko risobanura neza ibyaha by’ingengabitekerezo ya Jenoside rirunganira gahunda zinyuranye Leta y’ubumwe yashyizeho binyuze mu nyigisho zihabwa abaturage cyane cyane urubyiruko.

Akanama k’Umuryango w’Abibumbye nako kashyizeho Itegeko rihana icyaha cy’ingengabitekerezo ya Jenoside; ibihugu byose bigize Umuryango w’Abibumbye byagakwiye kubikurikiza. Mu Burayi u Butaliyani n’ubusuwisi byafashe iya mbere mu guhana abakora iki cyaha.

By’umwihariko mu Rwanda ku bijyanye na Jenoside yakorewe Abatutsi icyaha cy’ingengabitekerezo kijyana no kuyihakana ndetse no kuyipfobya: iki ni igikorwa icyo ari cyo cyose gikozwe ku bushake kandi mu ruhame
kigamije kuvuga cyangwa kugaragaza ko Jenoside atari Jenoside, kugoreka ukuri kuri Jenoside kugira ngo uyobye rubanda, kwemeza ko mu Rwanda habaye
Jenoside ebyiri no kuvuga cyangwa kugaragaza ko Jenoside yakorewe Abatutsi itateguwe.

Guhisha cyangwa kwangiza ibimenyetso bya Jenoside cyangwa by’ibindi byaha byibasiye inyoko muntu ni igikorwa icyo ari cyo cyose gikozwe ku bushake gitesha agaciro cyangwa gisibanganya ibimenyetso cyangwa amakuru byerekeye Jenoside cyangwa by’ibindi byaha byibasiye inyoko muntu nabyo bifatwa nk’icyaha cy’ingengabitekerezo ya Jenoside.

Ingengabitekerezo ya Jenoside inyuze cyane mu guhakana ni icyiciro cya nyuma mu byiciro umunani bigize Jenoside aho bikorwa cyane n’abayiteguye mu rwego rwo kwigira abere bagasiga abandi icyaha.

Kubera ko Jenoside yakorewe Abatutsi yakozwe harimo ubufatanyacyaha bw’Umuryango Mpuzamahanga, Abanyarwanda twari dukwiye kuyirandura ahubwo tugahuriza hamwe mu kurwanya abanyamahanga bayihakana.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.