2017-07-21 15:15:02 clouds 27o High | Kigali Rwanda

Dukurikire:
 
 

Kwibuka 22: Hazibandwa ku kurwanya ingengabitekerezo ya Jenoside

Yanditswe na IMVAHO NSHYA

Kuya 2016-03-31 05:31:47

 
Share on:
 
Yasuwe:15
 
Yavuzweho:200
 
10
 
10

Mu gihe u Rwanda rwitegura kwibuka ku nshuro ya 22 Jenoside yakorewe Abatutsi muri 1994, Minisiteri y’Umuco na Siporo yagaragaje ko ikibazo cy’ingengabitekerezo ya Jenoside kigenda gikura ndetse isaba ko ari cyo cyazagarukwaho mu biganiro bizatangwa mu gihe cy’icyunamo.

Imibare itangwa na Komisiyo y’igihugu yo kurwanya Jenoside yerekana ko mu mwaka ushize, abantu 192 bagaragaweho ibimenyetso by’ingengabitekerezo ya Jenoside.

Mu kiganiro Minisitiri w’Umuco na Siporo Uwacu Julienne yagiranye n’abanyamakuru yasobanuye ko iki kibazo cyakuze ndetse cyarenze imipaka.

Ati “Iki kibazo ntabwo tukirebera ku banyarwanda gusa kuko harimo n’abanyamahanga barimo n’abaturanyi bo mu bihugu bimwe by’Afurika. Mu gihe nk’u Rwanda tubona ko Jenoside idakwiye kongera kubaho ukundi hari ibimenyetso bigaragaza ko ingengabitekerezo itaracika ari yo mpamvu dukwiye iteka guhora tuyigarukaho muri iki gihe cy’icyumweru cyo kwibuka ndetse no mu minsi100.”

JPEG - 187 kb
Uwacu Julienne, Minisitiri w’Umuco na Siporo (uwa mbere iburyo) n’ Umunyamabanga Nshingwabikorwa wa CNLG ( Foto Gisubizo G)

Abagaragaweho ingengabitekerezo ya Jenoside, barimo urubyiruko rurimo n’abanyeshuri bato bamwe bavutse na nyuma ya Jenoside ndetse n’abakuru. MINISPOC ikavuga ko Polisi ifatanyije n’izindi nzego yagiye ikurikirana ababigizemo uruhare, abahamwe n’icyaha bagahanwa n’amategeko.

Ibiganiro bizagarukwaho mu gihe cyo kwibuka bizibanda ku gusobanura ingengabitekerezo ya Jenoside icyo ari cyo, ibyakozwe kugira ngo nk’igihugu gikomeze guhangana nayo n’ibizakomeza gukorwa.

Umunyamabanga Nshingwabikorwa wa Komisiyo y’igihugu yo kurwanya Jenoside Dr Bizimana Jean Damascene asobanura ko ibimenyetso by’ingengabitekerezo ya Jenoside bigaragara mu buryo 3, icya mbere ni amagambo atoneka abarokotse Jenoside, icya kabiri ni ibikorwa birimo gutera amabuye, kuzana amaraso bakayasiga ku nzugi, icya gatatu ni inyandiko zitukana zisebanya.

Tariki 07 Mata 2016, hateganyijwe umuhango wo gucana urumuri rw’icyizere ku rwibutso rwa Jenoside rwa Kigali bizakorwa n’abayobozi bakuru b’igihugu banashyire indabo ku mva zishyinguyemo imibiri y’abazize Jenoside.

Ibiganiro bizatangwa ku rwego rw’Imidugudu ndetse n’ahantu hateganyijwe ku rwego rw’Akarere n’Umurenge ndetse hakaba hateganyijwe n’ibiganiro ku banyarwanda baba mu mahanga.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE