2017-09-21 09:07:12 clouds 27o High | Kigali Rwanda

Dukurikire:
 
 

Kwibohora 23: Perezida Kagame arataha ibitaro bya Shyira

Yanditswe na IMVAHO NSHYA

Kuya 2017-07-04 09:41:33

 
Share on:
 
Yasuwe:449
 
Yavuzweho:200
 
10
 
10

Perezida wa Repubulika, Paul Kagame, n’umufasha we Jeannette Kagame, bageze mu murenge wa Shyira mu karere ka Nyabihu, intara y’Uburengerazuba, kwizihiza ibirori byo Kwibohora ku nshuro ya 23 kuri uyu wa 4 Nyakanga 2017.

Umukuru w’Igihugu arataha ibitaro bya Shyira n’umudugudu w’icyitegererezo watujwemo imiryango 108 itishoboye yo mu turere twa Gakenke na Nyabihu, byose byubatswe n’ingabo z’u Rwanda.

JPEG - 128 kb
Perezida Kagame asura umudugudu ugiye gutuzwamo abatishoboye mu turere twa Gakenke na Nyabihu

Ibyo bitaro byari byubatse mu manegeka, muri 2014 guverinoma y’u Rwanda itangira umushinga wo kubyagura, ariko biza kugaragara ko amafaranga yari kugenda mu kubivugurura yenda kungana n’ayo kubyubaka bundi bushya.

Mu gihe byateganywaga kuzura mu myaka ibiri, umwaka ushize, Perezida Kagame yasabye ko byuzura mu mwaka umwe, ubwo yasozaga amahugurwa y’abagize Komite nyobozi, Inama njyanamana z’uturere n’Umujyi wa Kigali yaberaga i Gabiro.

Ibitaro bya Shyira, byuzuye bitwaye miliyari enye z’amafaranga y’u Rwanda, bifite amateka maremare dore ko ibya mbere byafunguwe n’Umwami Mutara wa III Rudahigwa mu 1935, kuva icyo gihe bikora ku rwego mpuzamahanga kuko byavuraga abaturutse mu Burundi, Uganda na Repubulika Iharanira Demokarasi ya Congo.

JPEG - 248.7 kb
Abaturage bakereye kwakira Perezida wa Repubulika
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE