Advertisement
 
 
 
 
 
 
 
 

Politiki | Mu Rwanda

Kwibohora 22 : Ingabo z’u Rwanda ziravura abaturage 10 000   

  Yanditswe na Twagira Wilson
 5 months ago

 
 

Ingabo z’u Rwanda zatangiye kuvura abaturage ibihumbi icumi mu rwego rwo kwitegura isabukuru y’imyaka 22 zimaze zibohoye igihugu izaba ku ya 4 Nyakanga 2016.

Muri icyo gikorwa cyo kwegereza abaturage ubuvuzi ku buntu cyitwa Army Week buri munsi havurwa abarwayi 2000.

Minisiteri y’Ingabo, MINADEF, yatangaje ko ibikorwa byo kuvura abaturage ku buntu byatangiye ku ya 26 Kamena mu karere ka Bugesera.



Impuguke z’abaganga bo mu bitaro bikuru bya Kanombe zizavura indwara zitandukanye zirimo iz’uruhu, izo mu kanwa iz’abagore n’izindi zikomeye.

Brig. Gen. Dr Ephrem Rurangwa uyobora diviziyo ya mbere watangije ku mugaragaro gahunda ya Army Week yavuze ko kwegereza ubuvuzi abaturage ari amahirwe akomeye bashatse guha abanyarwanda muri ibi bihe igihugu cyishimira kwibohora.

Ati “ Niba mutari mubizi na cya gihe byari bikomeye turi ku rugamba rwo kubohora igihugu no kurwanya jenoside, twafataga umwanya wo kuvura inkomere zacu, tukavura n’abaturage.”



Umuyobozi w’akarere ka Bugesera, Nsanzumuhire Michel yashimye ubwitange ingabo z’igihugu zihorana, aboneraho kugaragaza ibyo abagenerwabikorwa bagiye kungukira muri iki gikorwa.

Ati” Abaturage bacu bazungukira cyane muri iyi gahunda ya Army week, kuko hari ibibazo by’indwara zikomeye zasabaga kohereza umurwayi mu yandi mavuriro i Kigali, ariko ubu indwara zose zizavurirwa hano ingabo z’ u Rwanda zibasanze.”

JPEG - 99.8 kb
Abaturage bakeneye ubuvizi ni benshi

Kagoyire Rita wavuze mu izina ry’abaturage nawe yashimiye ingabo z’u Rwanda zikomeje kwitangira abaturage .

Ati”Urukundo mudufitiye turuha agaciro kadasanzwe, kandi turashima ubwitange mugira mu gutuma u Rwanda ruba igihugu cyiza’’



Uretse kuvura abaturage, ingabo z’u Rwanda zakoze ibindi bikorwa byinshi hirya no hino mu gihugu zitegura umunsi wo kwibohora. Birimo gutanga inka za kijyambere 20 mu karere ka Nyaruguru no gutaha inzu zubakiye abaturage i Shyogwe mu karere ka Muhanga.



 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.