2017-10-18 18:43:44 clouds 27o High | Kigali Rwanda

Dukurikire:
 
 

Kurikira ibikorwa by’amatora ya Perezida wa Repubulika hirya no hino mu Rwanda

Yanditswe na IMVAHO NSHYA

Kuya 2017-08-04 06:41:58

 
Share on:
 
Yasuwe:315
 
Yavuzweho:200
 
10
 
10

Abanyarwanda baba imbere mu gihugu basaga miliyoni esheshatu babyukiye mu matora y’Umukuru w’Igihugu kuri uyu wa 4 Kanama 2017.

Ni amatora ahiganirwamo abakandida batatu, Habineza Frank w’ishyaka Green Party, Paul Kagame w’Umuryango FPR-Inkotanyi na Philippe Mpayimana, umukandida wigenga.

Umukandida w’Umuryango FPR-Inkotanyi yatoreye mu kigo cy’amashuri cya APE Rugunga mu karere ka Nyarugenge ari kumwe n’umufasha we Jeannette Kagame ndetse n’abana be.

JPEG - 121.5 kb
Ku biro by’itora, Kagame yari ategerejwe n’abanyamakuru benshi
JPEG - 45.9 kb
Umukandida Kagame yerekeza mu cyumba cy’itora
JPEG - 70.4 kb
Yabanje kuzuza ibisabwa abifashijwemo n’umukorerabushake wa Komisiyo y’Igihugu y’Amatora
JPEG - 76.7 kb
Paul Kagame ashyira urupapuro rw’itora mu gasanduku kabugenewe
JPEG - 85.4 kb
Jeannette Kagame nawe yatoye

Mu mujyi wa Kigali no mu ntara z’igihugu naho bitabiriye amatora

Hirya no hino mu gihugu ibiro by’itora byaraye biteguye neza, ahenshi hatatse nk’aharabera ubukwe busanzwe.

JPEG - 57.8 kb
Mu karere ka Gisagara bazindutse mu ruturuturu ngo batore kare ubundi bakomeze imirimo yabo isanzwe

Rwabuhihi Isaac, umukozi ukuriye amatora mu masite atatu yo mu Mujyi wa Kigali, ari yo ya Rugando, IFAK na International agize Umurenge wa Kimihurura mu karere ka Gasabo, avuga ko mbere y’umunsi nyir’izina w’itora imyiteguro yari imeze neza cyane ku buryo uwari gusaba ko amatora atangira yari gukorwa.

Akomeza avuga ko abakorerabushake biteguye baraye biteguye, ibikoresho by’amatora byagejejwe ku masite hakiri kare, kandi hasukuye n’abaturage bakaba bateguwe ndetse n’abashinzwe umutekano ngo baraye bahageze.

JPEG - 69.5 kb
Perezida wa Sena, Bernard Makuza, (uwa gatatu ku murongo) yabukereye

Abo biteganyijwe ko baratora ni 6 897 016; biyongereho miliyoni 1.7, bangana na 25% ugereranyije n’abatoye mu 2010. Amatora y’uyu mwaka yagenewe ingengo y’imari ya miliyari 6.2 z’amafaranga y’u Rwanda, ni ukuvuga idorali rimwe kuri buri jwi. Aya mafaranga yaragabanutse kuko mu matora yo mu 2010 hakoreshejwe miliyari zisaga zirindwi; icyo gihe buri muntu watoye yari yagenewe amadorali atatu.

JPEG - 56.5 kb
Hon. Makuza ashyira urupapuro rw’itora mu gasanduku

Abanyarwanda baba mu mahanga batoye ni 44 362; ibyumba by’amatora by’imbere mu gihugu ni 16 691, naho ibiro by’amatora ni 2 340.

Abakorerabushake baratoresha ni 60 000 naho indorerezi ni 2000.

Abakandida batorwa ni bantu ki?

Paul Kagame

Paul Kagame, umukandida w’Umuryango FPR Inkotanyi n’andi mashyaka umunani, yavutse ku ya 23 Ukwakira 1957, mu majyepfo y’u Rwanda. Nyuma y’imyaka ibarirwa muri 30 mu buhungiro muri Uganda, yayoboye ingabo za RPA zahagaritse Jenoside yakorewe Abatutsi mu 1994.

Yagize uruhare mu kubaka u Rwanda rwari rwarasigaye rusenyutse kubera Jenoside, ruzamuka ku muvuduko uhambaye mu iterambere, ndetse n’ubu rufatwa nka kimwe mu bihugu bitera imbere vuba ku Isi.

Kagame niwe Perezida wa gatandatu wayoboye u Rwamda mu 2000, mbere yaho yari Visi-Perezida na Minisitiri w’Ingabo. Muri 2003 yatsinze amatora ku majwi 95.05 ku ijana, ndetse yongera gutsinda mu 2010 n’amajwi 93%.

Ntiyari yemerewe n’itegeko nshinga kwiyamamariza manda ya gatatu ariko Abanyarwanda baza kubimusaba binyuze muri referandumu yabaye mu 2015.

Frank Habineza


Uyu mugabo w’imyaka 40, yashinze ishyaka riharanira demokarasi n’ibidukikije, Green Party mu 2009. Nibwo bwa mbere yiyamamarije umwanya mu buyobozi bw’u Rwanda. Afite umugore nabana batatu. Niwe muto mu bakandida biyamamaje.

Mpayimana Philippe

Ni umukandida wigenga afite imyaka 47, yabaye umwarimu, umwanditsi ndetse n’umunyamakuru. Yabaye impunzi muri Repubulika Iharanira Demokarasi ya Congo mbere yo kujya mu Bufaransa aho yari amaze imyaka 13. Afite abana bane, ni ubwa mbere agiye kwiyamamariza umwanya mu buyobozi bw’u Rwanda.

JPEG - 94.1 kb
Mu karere ka Kicukiro, ku biro by’itora mu mirenge itandukanye bazindukiye kwitorere umukuru w’igihugu
JPEG - 90.3 kb
Ababikira nabo ntibatanzwe, bari mu baturage bazindutse cyane
JPEG - 71.8 kb
Umukandida Frank Habineza yatoreye i Kimironko mu karere ka Gasabo
JPEG - 58 kb
Ababana n’ubumuga boroherejwe kugera ku biro by’itora ndetse bahabwa umwanya wo gutora mbere y’abandi, aha ni mu karere ka Kayonza
JPEG - 70.5 kb
Muri Gisagara naho abakorerabushake bafashije abafite ubumuga gutora biboroheye
JPEG - 61.1 kb
Mu karere ka Nyagatare, umukorerabushake aratunganya urupapuro rw’itora rwagenewe abafite ubumuga bwo kutabona
JPEG - 30 kb
Urupapuro rw’itora rw’abafite ubumuga bwo kutabona
JPEG - 63.6 kb
Aho Perezida Kagame yatoreye hari n’abandi baturage bahaturiye bahatoreye; ni mu mudugudu w’Inyarurembo, akagari ka Kiyovu mu murenge wa Nyarugenge akarere ka Nyarugenge

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE