Advertisement
 
 
 
 
 
 
 
 

Politiki | Mu Rwanda

Kigali: Netanyahu yunamiye Abatutsi bazize Jenoside bimwibutsa iyakorewe ubwoko bwe   

  Yanditswe na IMVAHO NSHYA
 July 2016

 
 

Minisitiri w’Intebe wa Isiraheli, Benjamin Netanyahu n’umufasha we Sara Netanyahu, bashyize indabo ku rwibutso rwa Jenoside yakorewe Abatutsi mu 1994 rwa Kigali ruherereye ku Gisozi kuri uyu wa 6 Nyakanga 2016.

Nyuma yo kugera ku rwibutso bari kumwe na Perezida Kagame n’umufasha we Jeannette Kagame, basobanuriwe amateka ya Jenoside yakorewe Abatutsi ku buryo burambuye, bazenguruka urwibutso berekwa ubugome bukabije n’uburemere bw’ubwicanyi bwakozwe muri Jenoside.

JPEG - 100.8 kb
Netanyahu ashyira indabo ku rwibutso rwa Kigali

Netanyahu n’umufasha we basize ubutumwa bwo Kwibuka mu gitabo cy’abashyitsi cy’urwibutso rwa Kigali, bagaragaza ko bababajwe bikomeye na Jenoside yakorewe Abatutsi kandi ko ibibukije iyakorewe ubwoko bwabo “Abayahudi” mu ntambara ya Kabiri y’Isi.

Bati” Dutewe agahinda cyane n’ibyo tubonye muri uru rwibutso rw’abazize amwe mu mahano akomeye yabaye mu mateka ya muntu. Bitwibukije ko iki gihugu n’icyacu bihujwe n’amateka mabi ya Jenoside yabaye ku baturage bacu.”

JPEG - 60.7 kb
Yandika ubutumwa mu gitabo cy’abashyitsi

Amateka ya Isiraheli n’u Rwanda ahuriye kuri Jenoside zifatwa nk’izahitanye benshi kurusha izindi mu kinyejana cya 20.

Jenoside yakorewe Abayahudi mu ntambara ya kabiri y’Isi yakozwe n’Abanazi , bayobowe na Hitler, yaguyemo ababarirwa muri miliyoni esheshatu. Mu Rwanda, Abatutsi basaga miliyoni baguye muri Jenoside yabakorewe mu 1994, mu minsi ijana gusa.

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.