Advertisement
 
 
 
 
 
 
 
 

Politiki | Mu Rwanda

Kicukiro: Busingye yasabye Loni kwisobanura ku gutererana nkana Abatutsi bayihungiyeho   

  Yanditswe na MUTUNGIREHE SAMUEL
 12 April

 
 

Minisitiri w’Ubutabera Johnston Busingye yasabye Umuryango w’Abibumbye gutanga ibisobanuro bifatika ku bantu bahungiye ku ngabo za MINUAR muri Jenoside yakorewe Abatutsi mu 1994 bazi ko ziri bubarinde zarangiza zikabasiga zitayobewe ko bari bwicwe.

Ibi Minisitiri Busingye yabivuze ku wa Mbere ubwo Minisiteri y’Ubutabera yifatanyaga n’ababuze ababo basaga 3000 biciwe i Nyanza ya Kicukiro ku wa 11 Mata 1994, kandi bari bahungiye ku ngabo z’Umuryango w’Abibumbye zari kuri ETO Kicukiro ngo zibabere icyanzu cy’ubwihisho bwa Jenoside yakorerwaga Abatutsi mu 1994.

Mu bari bahahungiye harokotsemo abari hagati ya 60 na 80 bakijijwe n’Ingabo za FPR.

JPEG - 375.9 kb
Minisitiri Busingye Johnston (uwa kabiri iburyo) n’abakozi ba MINIJUST bashyize indabo ku rwibutso rwa Nyanza ya Kicukiro (Foto Iradukunda J)

Ministiri Busingye asanga uburyo abashyinguye ku rwibutso rwa Nyanza ya Kicukiro bavanywe kuri ETO Kicukiro bakanyuzwa Sonatubes ngo babicireyo byakwanga bakabazamura bakajyanwa aho babiciye kandi ingabo za MINUAR zabasize zizi neza ibiri bube ari ikibazo kitarabonerwa igisubizo.

Yagize ati “Ni ikibazo dukwiye gusaba ko dusubizwa neza ku buryo bwimbitse, hakamenyekana uko byagenze, ibyemezo byafashwe, uko byafashwe n’igihe byafatiwe.”

Ibi minisitiri abishingira ko amateka yo kuri ETO ari amateka y’abantu bahungiye kuri izo ngabo bazibonagaho ubuhungiro kandi biri mu nshingano zazo, hakagira igihe kimwe zirengagiza zikababwira ko zigiye kandi zidashidikanya ko abo bantu bari bwicwe n’ubahiga.

Icyo kibazo minisitiri yibaza yasobanuye ko gikwiye kandi ko Abanyarwanda bose bagombye kuba bakibaza hakamenyekana impamvu.

Minisitiri Busingye asanga bitarangirira aho kuko igihe kigeze ngo n’Isi imenye ubugwari bw’ingabo za Loni zatereranye Abatutsi barimo bicwa muri Jenoside.

Yagize ati “Ariko ndanatekereza ko ari n’ikibazo bariya bafashe imodoka zabo n’ibikapu byabo n’imbwa zabo bakagenda, ntekereza ko nabo bagombye kuba bibaza ko icyo kibazo gikeneye gusobanurwa.”

Uwari uhagarariye Ibuka yasobanuye amateka y’inzirakarengane zaguye i Nyanza ya Kicukiro ahahoze ikimpoteri cy’imyanda ; avuga ko interahamwe zakuye Abatutsi aho bari bamaze gutereranwa zanga kubicira ku muhanda ugana i Remera kuri Sonatubes, kuko zabonaga abanyamahanga bari kuhaca bigira gufata indege ngo bitahire, zihitamo kubajyana ahajugunywaga imyanda kuko bari bamaze kubita imyanda hakiyongeraho ko hari hihishe hataraturwa.

Busingye yasabye abanyamategeko muri rusange gutangira gutekereza ko icyo kibazo kitararangira kandi hagitegerejwe igisubizo ku bakoze ibinyuranye n’inshingano bari bahawe.

U Rwanda ntirwahwemye kugaragaza ko ingabo z’Umuryango w’Abibumbye zari mu Rwanda (MINUAR) zari mu butumwa bwo gutuma hubahirizwa ishyirwa mu bikorwa ry’amasezerano ya Arusha yasinywe ku wa 4 Kanama 1993 zatereranye Abatutsi bicwaga muri Jenoside 1994.

Umuryango w’Abibumbye na wo wemeye uruhare rwawo muri Jenoside yakozwe ingabo zawo zirebera, ariko hari byinshi bitarasobanuka nk’itangwa ry’amategeko yatumye izo ngabo zisiga abari bahungiye mu kigo cy’imyuga cya ETO kandi Interahamwe zakigose.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.