2017-11-18 15:01:27 clouds 27o High | Kigali Rwanda

Dukurikire:
 
 

Ki-Moon yasabye u Rwanda n’akarere kutarebera ibibera muri Sudani y’Epfo

Yanditswe na IMVAHO NSHYA

Kuya 2016-07-18 09:26:35

 
Share on:
 
Yasuwe:3
 
Yavuzweho:200
 
10
 
10

Umunyamabanga mukuru wa Loni Ban Ki-Moon yasabye ibihugu byo mu karere gukora ibishoboka byose ngo Sudani y’Epfo ibone amahoro.

Ni nyuma y’uko ingabo za Perezida w’icyo gihugu, Salva Kiir zisakiranye n’iza visi-Perezida Riek Machar hakagwa abakabakaba 300.

Ubwo yari mu Rwanda mu nama ya 27 y’Umuryango w’Ubumwe bwa Afurika, Ki-moon yasabye abakuru b’igihugu gufasha Sudani y’Epfo igashyira mu bikorwa amasezerano y’amahoro impande zihanganye zashyizeho umukono.

Ati” Ni igihe cyo kugira icyo dukora. Abaturage ba Sudani y’Epfo bakeneye ko akarere n’Isi yose bihagarika ubwicanyi budafite ishingiro. Ndabizi benshi muri mwe mwaritanze ngo iki gihugu kivutse vuba ku Isi kidasubira mu ntambara.”

JPEG - 171.7 kb
Perezida Kagame yagiranye ibiganiro na Ban Ki-Moon mu cyumweru gishize

Umunyamabanga mukuru wa Loni yavuze ko kuba Reik Machar na Kiir barasubiye mu ntambara atari ibyo kwihanganira.

Ati” Ibirindiro by’ingabo za Loni byabigendeyemo, ububiko bwacu n’ibiribwa byageneye impunzi biribwa, ndetse n’inzu zacu ziraswaho amasasu menshi.”

Yongeyeho ko abasirikare ba Riek Machar, banakomeje kwica no gufata ku ngufu abaturage ba Sudani y’Epfo ntibanatinye abakozi ba Loni.

Yishimiye imyanzuro yafashwe n’akanama k’umutekano ka AU, n’inama y’abakuru b’ibihugu byo muri Afurika y’Uburasirazuba ku Iterambere (IGAD). Bemeje ko ingabo za Riek Machar na Salva Kiir ziva mu mujyi wa Juba zigasimburwa n’ingabo za Loni n’iz’umutwe w’akarere utabara aho rukomeye (EASF) mu gucunga umutekano.

Ati” Nandikiye abayobozi ba Sudani y’Epfo mbabwira ko ibyo bari gukora bzabyirengera. Nabasabye kugenzura abajenerali n’abandi basirikare bbari kwijandika mu bwicanyi n’andi mabi.”

Kuva Sudani y’Epfo yakwiyomora kuri Sudani, Riek na Kiir ntibigeze bumvikana na gato. Intambara yatangiye mu Kuboza kwa 2013 ubwo Perezida Kiir yirukanaga Riek Machar wari umwungirije. Uyu yahise ava muri Juba n’ingabo ze atangira intambara.

Ki-Moon yasabye u Rwanda n’akarere kutarebera ibibera muri Sudani y’Epfo

Umunyamabanga mukuru wa Loni Ban Ki-Moon yasabye ibihugu byo mu karere gukora ibishoboka byose ngo Sudani y’Epfo ibone amahoro.

Ni nyuma y’uko ingabo za Perezida w’icyo gihugu, Salva Kiir zisakiranye n’iza visi-Perezida Riek Machar hakagwa abakabakaba 300.

Ubwo yari mu Rwanda mu nama ya 27 y’Umuryango w’Ubumwe bwa Afurika, Ki-moon yasabye abakuru b’igihugu gufasha Sudani y’Epfo igashyira mu bikorwa amasezerano y’amahoro impande zihanganye zashyizeho umukono.

Ati” Ni igihe cyo kugira icyo dukora. Abaturage ba Sudani y’Epfo bakeneye ko akarere n’Isi yose bihagarika ubwicanyi budafite ishingiro. Ndabizi benshi muri mwe mwaritanze ngo iki gihugu kivutse vuba ku Isi kidasubira mu ntambara.”

Umunyamabanga mukuru wa Loni yavuze ko kuba Reik Machar na Kiir barasubiye mu ntambara atari ibyo kwihanganira.

Ati” Ibirindiro by’ingabo za Loni byabigendeyemo, ububiko bwacu n’ibiribwa byageneye impunzi biribwa, ndetse n’inzu zacu ziraswaho amasasu menshi.”

Yongeyeho ko abasirikare ba Riek Machar, banakomeje kwica no gufata ku ngufu abaturage ba Sudani y’Epfo ntibanatinye abakozi ba Loni.

Yishimiye imyanzuro yafashwe n’akanama k’umutekano ka AU, n’inama y’abakuru b’ibihugu byo muri Afurika y’Uburasirazuba ku Iterambere (IGAD). Bemeje ko ingabo za Riek Machar na Salva Kiir ziva mu mujyi wa Juba zigasimburwa n’ingabo za Loni n’iz’umutwe w’akarere utabara aho rukomeye (EASF) mu gucunga umutekano.

Ati” Nandikiye abayobozi ba Sudani y’Epfo mbabwira ko ibyo bari gukora bzabyirengera. Nabasabye kugenzura abajenerali n’abandi basirikare bbari kwijandika mu bwicanyi n’andi mabi.”

Kuva Sudani y’Epfo yakwiyomora kuri Sudani, Riek na Kiir ntibigeze bumvikana na gato. Intambara yatangiye mu Kuboza kwa 2013 ubwo Perezida Kiir yirukanaga Riek Machar wari umwungirije. Uyu yahise ava muri Juba n’ingabo ze atangira intambara.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE