2017-06-24 12:54:56 clouds 27o High | Kigali Rwanda

Dukurikire:
 
 

Kagame na Desalegn bakoze umuganda bubaka isomero

Yanditswe na IMVAHO NSHYA

Kuya 2017-04-29 16:42:36

 
Share on:
 
Yasuwe:82
 
Yavuzweho:200
 
10
 
10

Perezida Paul Kagame ari kumwe na Minisitiri w’Intebe wa Ethiopia, Hailemariam Dessalegn, batangije ahazubakwa isomero mu karere ka Gasabo.

Iki ni igikorwa cyabaye ubwo aba bayobozi bifatanyaga n’abaturage bo mu karere ka Gasabo mu murenge wa Kacyiru mu gikorwa cy’umuganda ngarukakwezi usoza Mata 2017.

Muri uyu muganda, Perezida Paul Kagame ari kumwe na Hailemariam Desalegn bashyize ibuye ry’ifatizo ahazubakwa isomero ry’amashuri y’uburezi bw’ibanze bw’imyaka 12 rizifashishwa n’abanyeshuri b’Urwunge rw’amashuri rwa Kacyiru II.’’

Uyu muganda wanitabiriwe kandi na Madamu Jeannette Kagame hamwe na mugenzi we Roman Tesfaye, umugore wa Minisitiri w’Intebe wa Ethiopia, hari mbere yuko basoza uruzinduko rw’iminsi itatu bamazemo mu Rwanda.

Minisitiri w’Intebe wa Ethiopia, Hailemariam Desalegn wasoje uruzinduko rwe kuri uyu wa Gatandatu, ari kumwe n’abaminisitiri b’Ububanyi n’Amahanga b’ibihugu byombi ari bo Mushikiwabo Louise w’u Rwanda na mugenzi we Hiruti Zemen n’abandi bayobozi, banakoze igikorwa cyo gufungura Ambasade ya Ethiopia mu Rwanda ifite icyicaro i Kigali, mu murenge wa Kinyinya mu karere ka Gasabo mu Mujyi wa Kigali.

Muri uwo muhango, Minisitiri w’Ububanyi n’Amahanga w’u Rwanda, Louise Mushikiwabo, yavuze ko ari intambwe ikomeye hagati y’ibihugu byombi mu gushimangira umubano bifitanye, nk’uko byagarutsweho na mugenzi we Hirut Zemen na Amb. Hope Tumukunde uhagarariye u Rwanda muri Ethiopia.

Minisitiri Mushikiwabo yakomeje avuga ko ibihugu byombi bishishikajwe n’iterambere, kurwanya ubukene no guha abaturage b’ibihugu byombi agaciro, n’icyubahiro cyabo bakwiye.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE