Advertisement
 
 
 
 
 
 
 
 

Politiki | Mu Rwanda

Isura nyayo y’icyiswe "Operation Turquoise"   

  Yanditswe na KAMBANDA NOEL
 June 2016

 
 

Tariki ya 23 Kamena 1994, ni bwo ingabo z’abafaransa zinjiye ku mugaragaro ku butaka bw’u Rwanda mu gikorwa bise “Operation Turquoise” cyemejwe n’akanama k’Umuryango w’Abibumbye gashinzwe amahoro ku isi ku majwi 10/15.

Batanu bifashe harimo n’igihugu cya Nouvelle Zelande cyari kiyoboye Akanama muri icyo gihe, si uko batashakaga uwakiza Abatutsi ahubwo ni uko bari bazi politiki y’Abafaransa mu Rwanda.

Babwiye Umuryango w’Abibumbye ko bagiye kurokora abicwaga nyamara baje gutabara Leta y’Abatabazi yari iri kotswa igitutu n’ingabo za FPR Inkotanyi zari zimaze gufata igice kinini cy’igihugu. Abafaransa bibutse “gutabara” igihe FPR Inkotanyi yari imaze gufata igice kinini cy’Umujyi wa Kigali n’amajyepfo aho bakoze iyo bwabaga ngo bafatirane Kigali ntifatwe.

JPEG - 80.1 kb
Abasirikare b’u Bufaransa muri Operation Turquoise

Ingabo z’abicanyi z’abakiriye ku mupaka wa Rusizi -Cyangugu bayobowe n’abicanyi ruharwa Bagambiki Emmanuel wari Perefe wa Cyangugu ndetse na Lt Samuel Imanishimwe wari ukuriye ikigo cya gisirikari cya Cyangugu.

Aho banyuze bose Interahamwe zazamuraga imihoro ndetse n’indabo mu rwego rwo kubereka ko babishimiye.

Mu ntangiriro Abafaransa bumvaga ko akarere katarangwamo imirwano kazava Ruhengeri kakagera Butare kanyuze Gitarama, kandi RPF Inkotanyi yarafashe Gitarama, Ruhango na Nyanza.

Intego nyamukuru ya Operation Turquoise kwari ugusubiza inyuma ingabo za FPR zari mu mujyi wa Kigali tariki ya 24 Kamena 1994, nk’uko byakunze kugarukwaho na Capt Guillaume Ancel wari mu ngabo z’Abafaransa zari muri Zone Turquoise wari umwe mu bari bahawe ubwo butumwa.

Ingabo z’Abafaransa ntizari zizi umuvuduko ingabo za FPR Inkotanyi zagenderagaho, kuko mu gihe ibyo kuza Kigali babonaga bisa n’ibibananiye bashatse gufata Butare ariko bahurira mu marembo y’umujyi n’ingabo z’inkotanyi tariki ya 3 Nyakanga 2014.

Bemeje ko baje gutwara abahigwaga muri Butare ariko Perefe wa Butare Lt Col Alphonse Nteziryayo wari washyize mu bikorwa umugambi wa Jenoside ni we wurijwe bwa mbere.

Guhitamo Abayobozi b’ingabo za Operation Turquoise na byo byagaragazaga icyo bagamije; abakuru bari bagizwe n’abasirikare nka Col Didier Tauzin, Col Jacques Rosier bari muri “Operation Noroit” aho barwanaga ku ruhande rwa Habyarimana barwanya FPR Inkotanyi hagati ya 1991-1993 ndetse na Cmdt Saint Quentin wari umujyanama w’ingabo za Habyarimana. Bari baje gufasha bagenzi babo basangiye urugamba kuva kera basangiye umwanzi umwe witwa FPR Inkotanyi.

Bimaze kubananira kuba bafata igice cy’u Rwanda uhereye Ruhengeri kugera Butare, bashyizeho akarere katarangwamo ibikorwa bya gisirikare kagizwe na Gikongoro, Kibuye na Cyangugu nyuma y’ifatwa rya Kigali na Butare.

Aka karere kashyizweho kugira ngo Leta y’Abatabazi ibone inzira inyuramo yerekeza muri Kongo. Bavuze ko nta muntu uzitwaza intwaro uzagera muri ako karere nyamara bariyeri zagumyeho aho interahamwe zari zifite intwaro.

Muri Zone Turquoise, Abafaransa bakomeje gukorana n’inzego zariho kandi babizi neza ko aribo bashyize mu bikorwa Jenoside yakorewe Abatutsi n’ubwo bo batayemeraga icyo gihe.

Abicanyi bose uhereye kuri Guverinoma y’Abatabazi, abasirikare, interahamwe zikomeye bisanzuraga muri Zone Turquoise, cyangwa se abandi bambukiye kuri Goma bose bagendaga uko bashaka muri Zone Turquoise.

Muri rusange Operation Turquoise yashyizweho mu rwego rwo gusubiza inyuma ingabo za FPR Inkotanyi, ibi bimaze kunanirana cyane cyane n’amahanga ko yari amaze kubona ko u Bufaransa bwabaciye muri humye buje gutabara abakoraga Jenoside, bashyizeho agace bise akarere katarangwamo imirwano mu rwego rwo kubuza FPR gufata igihugu cyose (Victoire Total).

Amakuru yo guhakana Jenoside yakwirakwizwaga na Leta yayikoraga yatangijwe ku mugaragaro ku rwego mpuzamahanga na Operation Turquoise kuko yo yavuze ko FPR iri gushaka kumara abahutu, kandi yari ibasize mu karere kanini yari imaze gufata.

Nta gihugu cyari kizi ibibera mu Rwanda kurusha u Bufaransa kuko bwari mu nzego zose z’igihugu. Kuba baraje mu mpera za Kamena si impuhwe z’abicwaga kwari ugukiza abakoze Jenoside bari mu nzira bahunga urugamba rwa FPR Inkotanyi rwo guhagarika Jenoside.

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.